سي ويو تي عالمي ڪراچي ميراٿن ٿي گذري، 25 ملڪن جي 7 هزار کان وڌيڪ رنرز جي شرڪت

مردن سان گڏ ٻارڙن ۽ عورتن جي وڏي انگ ميراٿن ۾ حصو ورتو ميراٿن جي شروعات ۽ پڄاڻي نشان پاڪستان سي ويو تي ٿي

ڪراچي (رپورٽر) نئين سال جي پهرين ميراٿن آچر جي ڪلفٽن جي ساحل تي منعقد ٿي سخت سيءَ ۾ سي ويو تي ڪراچي ميراٿن ۾ 25 ملڪن جي 7 هزار کان وڌيڪ ماڻهن شرڪت ڪئي ميراٿن ۾ 4 ڪيٽيگريز رکيون ويون هيون جن ۾ 42.1 ڪلو ميٽر ، 21 ڪلو ميٽر ، 10 ڪلو ميٽر ۽ 5 ڪلو ميٽر جي ڊوڙ شامل هئي مردن سان گڏ ٻارڙن ۽ عورتن جي وڏي انگ ميراٿن ۾ حصو ورتو ميراٿن جي شروعات نشان پاڪستان ساحل سي ويو سان ٿي ۽ پڄاڻي به انهي هنڌ تي ٿي اسرار خٽڪ ، 42.1 ڪلو ميٽر جو پنڌ 2 ڪلاڪ 39منٽ 52 سيڪنڊز ۾ طئي ڪري ميراٿن کٽي ورتي حماس منهاس 2 ڪلاڪ 48 منٽ ۽ 59 سيڪنڊز سان ٻئي نمبر تي رهيو هاف ميراٿن محمد اختر هڪ ڪلاڪ 19 منٽ ، 29 سيڪنڊ ۾ کٽي ، عطا صمد ٻئي ۽ فيضان فيضي ٽئين پوزيشن حاصل ڪئي عورتن جي ميراٿن ساره لوڌي مقرر ڪيل فاصلو 3 ڪلاڪ 33 منٽ 28 سيڪنڊ ۾ طئي ڪري پنهنجي نالي ڪئي ڪوڪب سرور هڪ ڪلاڪ 53 منٽن 57 سيڪنڊز سان ٻئي پوزيشن حاصل ڪئي آخر م انعام ورهايا ويا ريس دوران سيڪيورٽي جا سخت انتظام هئا جڏهن ته شريڪ ٿيندڙن جي سهولت لاءِ طبي سهولت ۽ ريفريشمنٽ پوائنٽ به تيار ڪيا ويا هئا