شڪارپور ۾ قبيلائي تڪرار نامنظور، شھرين پاران احتجاجي ريلي ڪڍي وئي

سول سوسائٽي جي سڏ تي يوٿ اڳواڻن عادل جان شيخ، فھد شھزاد، ڪامريڊ احسان جيھو ۽ ٻين جي اڳواڻي ۾ ريلي ڪڍي وئي

شڪارپور (احسان ابڙو ) شڪارپور ۾ قبيلائي تڪرار نامنظور، شھرين پاران احتجاجي ريلي ڪڍي وئي سول سوسائٽي جي سڏ تي يوٿ اڳواڻن عادل جان شيخ، فھد شھذاد، علي قريشي ۽ ايس ٽي پي اڳواڻ سماج سڌارڪ ڪامريڊ احسان جيھو ،جي يو آء اڳواڻ راشد علي لاشاري جي اڳواڻي ۾ شڪارپور جي جھاز چوڪ کان ضلعي ۾ قبيلائي تڪرارن خلاف احتجاجي ريلي ڪڍي وئي جيڪا شھر جي مختلف چوراھن کان ٿيندي ھزاريدر الله والا چوڪ تي پھتي مظاھرين قبيلائي تڪرار منظور ۽ شھرين کي امن ڏيو جا زوردار نعرا ھنيا ويا احتجاجي ريلي کي خطاب ڪندي اڳواڻن چيو ته شڪارپور ۾ ھٿ سان برادري تڪرار پيدا ڪيو پيو وڃي آئي ڏينھن ڪونڌر ڪسجن پيا ٻه ڏينھن اڳ مھر جتوئي تڪرار تان رستم مان مھر برادري جي ماڻھن جي ڄڃ شادي لاء جيڪب آباد جي ٺل طرف وڃي رھي ھئي جنھنکي جتوئي ڌر جي ھٿياربندن شڪارپور جي باء پاس تي حملو ڪري ھٿيارن جا منھن کولي ڇڏيا گوليون لڳڻ سبب گھوٽ الطاف معصوم ڀاءُ ۽ ڪار ڊرائيور سميت مارجي ويو جيڪو انتھائي افسوسناڪ واقعو آھي جنھن تي شڪارپور جي ھر اک آلي آھي ھنن وڌيڪ چيو ته ضلعي جي چئني تعلقن ۾ مختلف برادرين ۾ تڪرار ھلي رھيا آھن جنھن سان امن امان جي صورتحال انتھائي خراب ٿي رھي آھي ۽ انساني جانيون ناحق قتل ٿي رھيون آھن تعليم پڻ تباھ ٿي رھي آھي شھرن ۾ ڪاروبار متاثر ٿي رھيو آھي مظاھرين پاران قبيلائي تڪرارن جي جلد خاتمي جو مطالبو ڪيو ويو انھي موقعي تي ، آپڪا اڳواڻ عبدالوھاب ڪاغذي ، شھيد ڀٽو شڪارپور جو اڳواڻ سعيد سومرو ، سماجي اڳواڻ نصرالله انڙ ،جسم اڳواڻ عمران منگي ، صحافي راشد معرفاڻي، الھداد شر، وارث ابڙو ۽ ٻين پاران شرڪت ڪئي وئي