آل واپڊا هائيڊرو يونين جي سڏ تي ٺٽي ۽ سجاول ۾ ملازم سراپا احجاج

ملازمن پاران آفيسن جي تالابندي ڪري ريلي ڪڍي احتجاجي مظاهرو ڪيو ويو

ٺٽو(ڊ ر) آل پاڪستان واپڊا ھائيڊرو اليڪٽرڪ ورڪزر يونين CBA ٺٽو ۽ سجاول پاران واپڊا جي نجڪاري توڙي ملازمن کي سھولتون نہ ملڻ خلاف ھڪ احتجاجي مظاھرو حيسڪو آفيس مڪلي کان مين قومي شاھراھ تائين واپڊا ملازم اڳواڻن ڊويزنل چيئرمين وحيد علي رند، شير زمان سھتو، غلام قادر ميربحر، منور علي تارو، علي اڪبر لاشاري، نواز تارو، نيڪ محمد کوسو، گلاب لنڊ، اڪرم ڀٽي، عمران مغل، عبدالرحمان، عبدالڪريم، عبدالحڪيم، نعمت الله، ياسين، اياز شاھ، مراد سميجو، دانش شيخ جي اڳواڻي ۾ ڪري قومي شاھراھ تي ڌرڻو ھڻي سخت نعريبازي ڪندي چيو تہ واپڊا کي ھٿ وٺي نجڪاري حوالي ڪري سمورن ملازمن جو معاشي قتل عام ڪيو پيو وڃي، ھنن چيو تہ ملڪ ۾ اڳ ئي وڌندڙ مھنگائي عوام جو جيئڻ جنجال بنائي ڇڏيو آھي، مٿان وري ننڍن ملازمن سان ناانصافيون ڪري انھن کي سھولتون ڏيارڻ بجاء انھن جون بدليون ٻين علائقن ۾ ڪري کين پريشان ڪيو پيو وڃي، ھنن گھر ڪئي تہ فورن واپڊا کي نجڪاري حوالي ڪرڻ وارو فيصلو واپس وٺي، ڊيلي ويجز تي ڪم ڪندڙ ملازمن کي پڪو ڪري کين سموريون گھربل بنيادي سھولتون مھيا ڪري خالي پيل جائين تي ملازمن کي ڀرتي ڪيو وڃي. ٻئي صورت ۾ جائز مطالبا حل نہ ٿيڻ جي صورت ۾ ملڪ جي بجلي ئي بند ڪري ڇڏينداسين.