ڏوڪري ۾ ڳوٺ سيھڙ اسٽيشن واسي پورهيت جو پوليس خلاف احتجاج

143 views | 03rd Nov 2025 • سنڌي خبرون

پوليس مينهن چوري جي الزام هيٺ ڀاءُ محمد سليمان عرف سلطان کي کنڀي گم ڪري ڇڏيو آهي: علي شير

ڏوڪري ۾ ڳوٺ سيھڙ اسٽيشن واسي پورهيت جو پوليس خلاف احتجاج

ڏوڪري( اطهر ميمڻ) ڏوڪريءَ ڀرسان ڳوٺ سيھڙ اسٽيشن جو رهواسي علي شير چانڊيو پنهنجي 80 ساله جهور ماءُ سان گڏ عثمان ڪلهوڙو پوليس چوڪي خلاف احتجاج ڪيو. ڏوڪري ڀرسان ڳوٺ سيھڙ اسٽيشن جو رهواسي علي شير چانڊيو ۽ سندس 80 ساله جهور ماءُ سان گڏ ڏوڪري پريس ڪلب ۾ احتجاج ڪندي چيو ته گذريل جمع تي ڳوٺ شاهد چانڊيو جي گهر مان چور مينهن چوري ڪري ويا جنهن جو پيري پيرو کڻي ڏھر ڳوٺ ۾ لڳايو،جنهن بعد پيري ڪتن کان پير کڻائي منهنجي گهر لڳايو ۽ عثمان ڪلهوڙو چوڪي جي پوليس منهنجي بيمار ڀاءُ محمد سليمان عرف سلطان چانڊئي کي گرفتار ڪري گم ڪري ڇڏيو آهي. اسان ٻہ ڀيرا نياڻيون ميڙ وٺي شاهد چانڊئي ڏي ويا آهيو.علي شير چانڊيو چيو ته مان ڪراچي ۽ مزدوري ڪندو آهيان مونکي ڀاءُ جي خبر پئي ته ڳوٺ پھتو آهيان. ھنن چيو ته اسان بيگناھ ۽ غريب مسڪين ماڻهو آهيون خدارا انصاف ڪيو وڃي،منهنجو ڀاءُ ڪافي عرصي کان بيمار آهي اسان کي خدشو آهي تہ ھو پوليس حراست ۾ فوت ٿي نه ويو ھجي.