کھڙا ۾ غريب مسڪين مستحق ماڻهن ۾ زڪوات جا امدادي چيڪ ورهائڻ واري تقريب

عشر زڪوات، بيت المال ۽ مينارٽي ونگ کاتن پاران 45 مستحق عورتن، مردن، معذورن ۾ چيڪ ورهايا ويا

گمبٽ(زوھيب سمون ) گمبٽ لگ کھڙا ۾ غريب مسڪين مستحق ماڻهن ۽ اقليتن مردن توڙي عورتن ۾ زڪوات جا امدادي چيڪ ورهائڻ جي هڪ شاندار پر وقار تقریب منعقد ڪئي وئي، عشر زڪوات، بيت المال ۽ مينارٽي ونگ کاتن پاران منظور ڪيل 45 مستحق عورتن، مردن، معذورن ۽ اقليتي برادري جي ماڻهن ۾ چيڪ ورهايا ويا، ٽائون ڪاميٽي کھڙا جي اڳوڻي چيئرمين پ پ اڳواڻ ميان رازق ڏنو اڄڻ جي ميزباني هيٺ سندس رهائش گاهه تي ڪوٺايل تقريب ۾ پ پ ايم اين اي ڊاڪٽر مهرين ڀٽو، پ پ تعلقي گمبٽ جي صدر سيد لياقت علي شاھ، ميونسپل ڪميٽي گمبٽ جي وائس چيئرمين سيد سجاد حيدر شاھ، تعليمدان استاد نورالدين پنهور، پ پ اڳواڻ ميان مشتاق احمد اڄڻ خاص مهمان طور شرڪت ڪئي، امدادي چيڪ ملڻ تي مستحق ماڻهن ۾ خوشي جي لهر ڇانجي وئي، تقريب کي خطاب ڪندي اڳواڻن چيو ته پاڪستان پيپلزپارٽي عوامي ۽ جمهوري پارٽي آهي جنهن هميشه عوام جي خدمت ڪئي آهي غريب عوام کي ڪڏهن به اڪيلو نه ڇڏيو ويندو، تقريب ۾ پ پ اڳواڻ جاڙو خان ڄامڙو، غلام سرور بهليم، غلام عباس راڄپر، سردار گل محمد شيخ، فردوس شيخ، ميڊم سمينه چنا، رابعہ عباسي، صالح اڄڻ، ميان ياسين احمد، نثار احمد خواجه، رفيق احمد شيخ، محمد علي پنهور سميت وڏي انگ ۾ پ پ ورڪرن، اڳواڻن شرڪت ڪئي،