ابر اعظم اور نسیم شاہ کی دھماکے دار واپسی! جنوبی افریقہ کیخلاف وائٹ بال معرکے کیلئے پاکستان اسکواڈ کا اعلان

پاکستان کا بڑا اعلان! جنوبی افریقہ کے خلاف ٹی20 اور ون ڈے سیریز کے لیے اسکواڈز فائنل — یہی ٹیمیں سہ فریقی اور سری لنکا سیریز میں بھی ایکشن میں ہوں گی

سابق کپتان بابر اعظم اور نسیم شاہ کی ٹی20 اسکواڈ میں واپسی ہوئی ہے، بابر اعظم نے آخری ٹی20 میچ 13 دسمبر 2024ء کو ساؤتھ افریقہ کے خلاف کھیلا تھا۔ سلمان علی آغا ٹی ٹوئنٹی انٹرنیشنل اور شاہین شاہ آفریدی ون ڈے انٹرنیشنل ٹیم کی قیادت کریں گے۔ پاکستان اور جنوبی افریقہ کے درمیان ٹی ٹوئنٹی انٹرنیشنل سیریز 28 اکتوبر سے یکم نومبر تک کھیلی جائے گی۔ جنوبی افریقہ کے خلاف ون ڈے سیریز فیصل آباد میں 4 سے 8 نومبر تک کھیلی جائے گی۔ سری لنکا اور زمبابوے کے ساتھ ٹی ٹوئنٹی تین ملکی سیریز 17 سے 29 نومبر تک راولپنڈی اور لاہور میں کھیلی جائے گی۔ پاکستان اور سری لنکا کے درمیان ون ڈے انٹرنیشنل سیریز 11 سے 15 نومبر تک راولپنڈی کرکٹ سٹیڈیم میں کھیلی جائے گی۔ عثمان طارق پہلی بار ٹی ٹوئنٹی انٹرنیشنل اسکواڈ کا حصہ بنے ہیں جبکہ عبدالصمد، بابر اعظم اور نسیم شاہ کی ٹی ٹوئنٹی انٹرنیشنل ٹیم میں واپسی ہوئی ہے۔ اسی طرح قومی کھلاڑی فیصل اکرم، حارث رؤف اور حسیب اللّٰہ کی ون ڈے اسکواڈ میں واپسی ہوئی ہے۔ ٹی ٹوئنٹی اسکواڈ ٹی ٹوئنٹی اسکواڈ میں سلمان علی آغا (کپتان)، عبدالصمد، ابرار احمد، بابر اعظم، فہیم اشرف، حسن نواز، محمد نواز، محمد وسیم جونیئر، محمد سلمان مرزا، نسیم شاہ، صاحبزادہ فرحان (وکٹ کیپر)، صائم ایوب، شاہین شاہ آفریدی ،عثمان خان (وکٹ کیپر) اور عثمان طارق شامل ہیں۔ ریزَرو کھلاڑی فخر زمان، حارث رؤف، سفیان مقیم بطور ریزَرو کھلاڑی اسکواڈ کا حصہ ہیں۔ ون ڈے اسکواڈ ون ڈے اسکواڈ میں شاہین شاہ آفریدی (کپتان)، ابرار احمد، بابر اعظم، فہیم اشرف، فیصل اکرم، فخر زمان، حارث رؤف، حسیب اللّٰہ، حسن نواز، حسین طلعت، محمد نواز، محمد رضوان (وکٹ کیپر)، محمد وسیم جونیئر، نسیم شاہ، صائم ایوب اور سلمان علی آغا شامل ہیں۔