مدیحہ امام نے فلم ’نیلوفر‘ کی پیشکش کیوں قبول کی؟ اداکارہ کا انکشاف

پاکستان کی معروف اداکارہ مدیحہ امام کا کہنا ہے کہ فلم ’نیلوفر‘ میں ان کا کردار ان کی حقیقی شخصیت سے قریب تر ہے، اور فواد خان کے پروڈیوسر ہونے کی وجہ سے فوراً اس پراجیکٹ کا حصہ بن گئیں۔

مدیحہ امام نے فلم ’نیلوفر‘ کی پیشکش کیوں قبول کی؟ اداکارہ کا انکشاف

پاکستان کی معروف اداکارہ مدیحہ امام نے اپنے حالیہ انٹرویو میں انکشاف کیا کہ فلم "نیلوفر" میں ان کا کردار ان کی حقیقی شخصیت سے بہت قریب ہے، اور یہی وجہ تھی کہ انہوں نے اس پراجیکٹ کا حصہ بننے کا فیصلہ کیا۔ مدیحہ امام نے جیو کے پوڈکاسٹ میں میزبان منیب ہاشمی کے سوالوں کے جوابات دیتے ہوئے بتایا کہ جب انہیں فلم کے لیے کال آئی تو وہ دن ان کی زندگی کا خوش قسمت دن تھا۔ اداکارہ نے کہا کہ جب انہیں بتایا گیا کہ فواد خان اس فلم کو پروڈیوس کر رہے ہیں، تو انہوں نے فوراً حامی بھر لی اور کہا، "اگر فواد ہیں تو یہ یقیناً ایک اچھا پروجیکٹ ہوگا، بس میں لاہور آ رہی ہوں۔" فواد خان اور ماہرہ خان کے ساتھ کام کرنے کے حوالے سے مدیحہ امام نے کہا کہ دونوں پاکستان کے بڑے سُپر اسٹارز ہیں، لیکن ان کے ساتھ کام کرتے ہوئے کبھی بھی گھبراہٹ یا ہچکچاہٹ محسوس نہیں ہوئی۔ بلکہ ان کے ساتھ کام کرنے سے انہیں یہ سیکھنے کو ملا کہ اسکرین کے سامنے جتنے بڑے اسٹارز نظر آتے ہیں، اسکرین کے پیچھے وہ کتنے پروفیشنل اور محنتی ہوتے ہیں۔ فلم "نیلوفر" 28 نومبر کو ملک بھر کے سنیما گھروں میں ریلیز ہو چکی ہے، اور اس میں فواد خان اور ماہرہ خان مرکزی کردار ادا کر رہے ہیں۔ فلم میں ماہرہ خان ایک نابینا لڑکی کا کردار نبھا رہی ہیں، جو ایک انتہائی جذباتی اور مختلف کہانی کی عکاسی کرتی ہے۔