ملير: اسٽيل ٽائون ۾ واردات، ڦورو صحافي اعجاز شيخ جي پٽ کان نئين موٽر سائيڪل ڦر ڪري فرار

ملير (رپورٽ: عبدالرشيد مورجھريو) اسٽيل ٽائون ٿاڻي جي حد گلشن حديد ۾ هٿياربند ڏوهن جي لهر برقرار آهي، جتي 05 آڪٽوبر 2025ع تي ملير جي صحافي اعجاز شيخ جي پٽ ذوهيب شيخ کان نئين هونڊا CD-70 موٽر سائيڪل هٿيارن جي زور تي ڦر ڪئي وئي هئي واردات کي ڏيڍ مهينو گذرڻ باوجود اسٽيل ٽائون پوليس واقعي ۾ ملوث ڦورن کي گرفتار ڪرڻ ۽ موٽر سائيڪل برآمد ڪرائڻ ۾ مڪمل طور ناڪام رهي آهي متاثر صحافي اعجاز شيخ موجب ايس ايڇ او اسلم بلو صرف زباني دلاسا ڏئي رهيو آهي، جڏهن ته عملي طور ڪجھ ڪرڻ لاء تيار ناهي هن الزام هنيو ته پوليس جي غير سنجيدگي سبب علائقي ۾ ڏوهن جا واقعا وڌي رهيا آهن ۽ شهري عدم تحفظ جو شڪار آهن اعجاز شيخ پوليس جي ڪمزوري خلاف سخت احتجاج جو اعلان ڪندي چيو آهي ته جيڪڏهن ڦر ٿيل موٽر سائيڪل فوري طور تي برآمد ڪرائي نٿي ڏني وڃي ته قلم ڌڻي عوامي پريس ڪلب ملير آڏو احتجاج ڪرڻ تي مجبور ٿيندا ٻئي پاسي علائقي واسين پڻ پوليس جي ڪارڪردگي تي ڳڻتي ظاهر ڪندي مطالبو ڪيو آهي ته اسٽيل ٽائون ٿاڻي جي حدن ۾ وڌندڙ ڏوهن کي روڪڻ ۽ امن امان کي بهتر بنائڻ لاءِ فوري قدم کنيا وڃن