ملير: خانگي فيڪٽري ۾ ڪم ڪندڙ پورهيت نوجوان مبينا طور اغو، وارثن جو احتجاج

ملير(رپورٽ: عبدالرشيد مورجھريو) خانگي فيڪٽري ۾ ڪم ڪندڙ پورهيت نوجوان مبينا طور اغو، وارثن جو احتجاج، سخت نعريبازي، نوجوان جي بازيابي جو مطالبو تفصيل موجب ملير جي يوسف عارفاڻي ڳوٺ جو رهائشي خانگي ميڪو ٽيڪسٽائل ڪمپني ۾ ڪم ڪندڙ پورهيت عبدالجبار سرڪي مبينا طور اغوا ٿي ويو آھي مغوي نوجوان جي بازيابي لاء وارثن ڀاء سھيل سرڪي شاھنواز سرڪي مختيار سومرو سعيد گاڏهي ۽ ٻين رزاق آباد مک چوڪ کان ريلي ڪڍي عوامي پريس ڪلب ملير اڳيان مظاھرو ڪري ڌرڻو هنيو هو جبار سرڪي کي آزاد ڪريو جا اڀ ڏاريندڙ نعرا هڻي رهيا هئا ان موقعي تي مغوي جي وارثن ميڊيا سان ڳالهائندي چيو ته عبدالجبار سرڪي قومي شاھراھ منزل پمپ لڳ قائم خانگي فيڪٽري ميڪو ٽيڪسٽائل ۾ مزدوري ڪندو آھي جيڪو ٻه ڏينهن پھرين معمول مطابق ڪمپني ويو هو ۽ اتان اغوا ٿي ويو آھي هنن چيو ته اسان جڏهن ڪمپني ۾ ڪم ڪندڙ پورهيتن کان ڄاڻ ورتي تي خبر پئي آھي ته اسان جي نوجوان کي ڪجھ نامعلوم ماڻهن ڪمپني ٻاھران گيٽ تان هٿيارن جي زور تي اغوا ڪري کڻي ويا آھن هنن چيو ته واقعي خلاف اسان شاھ لطيف ٿاڻي تي رپورٽ به داخل ڪرائي آھي پر هيل تائين ايف آئي آر داخل ٿي ناهي سگهي جڏهن ته نوجوان جبار سرڪي جي اغوا کان پوء سندس گهر ڀاتين ۾ سخت بيچيني پکڙجي وئي آھي هنن آئي جي سنڌ ايس ايس پي ملير ۽ ٻين وس وارن کان مطالبو ڪيو آھي ته فوري طور ڪاروائي ڪري مغوي نوجوان جبار سرڪي کي بازياب ڪرائي گهر ڀاتين مان بيچيني ختم ڪئي وڃي