عمرڪوٽ ۾ ٻارڙن جو عالمي ڏهاڙو سرن جي بٺن تي مزدورن جي ٻارن سان ملهايو ويو

سوسائٽي فار دي پروٽيڪشن آف دي رائٽس آف دي چائلڊ اسپارڪ عمرڪوٽ پاران ڏهاڙو ملهايو ويو

عمرڪوٽ (رپورٽ:ڪانجي مل رکيسر) سوسائٽي فار دي پروٽيڪشن آف دي رائٽس آف دي چائلڊ اسپارڪ عمرڪوٽ پاران سرن جي بٺن تي ٻارن جو عالمي ڏينهن عزت ۽ فخر سان ضلعي عمرڪوٽ جي مزدورن جي ٻارن سان گڏ ملهايو ويو، هي تقريب واقعي ۾ هن ڏينهن جي روح کي اجاگر ڪري رهي هئي، ٻارن جي حقن جي وڪالت، انهن جي ڀلائيءَ جو فروغ، ۽ بهتر مستقبل لاءِ انهن جي آواز کي بلند ڪرڻ، ڊسٽرڪٽ مينيجر سورج مل مالهي، ۽ اسپارڪ ٽيم جا ميمبر محترمه خديجه بلوچ، مسٽر شوڪت ۽ مسٽر حسين ٻارن جي ساراهه ۽ حوصلا افزائي ڪندي ڪجهه حوصلا افزا ڳالهيون پيش ڪيون، ھنن گڏجي عالمي ٻارن جي ڏينهن جي بنيادي موضوعن تي زور ڏنو، جن ۾ ٻارن جي جبري مشقت، تعليم، تحفظ، صحت، ۽ هر ٻار لاءِ برابر موقعا شامل هئا، ۽ هن سلسلي ۾ بيداري واريون تقريرون ڪيون ويون تقريب تمام جاندار ۽ پرجوش هئي، ڇو⁠جو ٻارن راندين، رقص، ٽيبلوز ۽ رنگا رنگ پرفارمنس ذريعي پنهنجي صلاحيتن جو شاندار مظاهرو ڪيو، هڪ خاص طور تي يادگار لمحو اهو به هو ته خاص ضرورتن وارن ٻارن جي شموليت، جن جي دل کي ڇهندڙ پرفارمنس حاضرين کان وڏي ساراهه حاصل ڪئي.