پريالوءِ: ڪچي ۾ الرا-جتوئي خوني تڪرار تان هٿياربندن هٿان 3 ڄڻا قتل، جوابي فائرنگ ۾ هڪ جوابدار به مارجي ويو

237 views | 20th Nov 2025 • سنڌي خبرون

مارجي ويلن ۾ ماجد الرو، ڌڻي بخش الرو، گلڻ الرو ۽ اعظم جتوئي شامل

پريالوءِ: ڪچي ۾ الرا-جتوئي خوني تڪرار تان هٿياربندن هٿان 3 ڄڻا قتل، جوابي فائرنگ ۾ هڪ جوابدار به مارجي ويو

پريالوءِ(رپورٽر) ڪچي ۾ الرا ۽ جتوئي ڌرين ۾ سڱاوتي تڪرار ٻيهر ڀڙڪي پيو، هٿياربندن جي ڇتي فائرنگ ۾ ڳوٺ ديواني الرا واسي ماجد الرو ۽ گلڻ الرو پٽ راحب الرو ۽ ڌڻي بخش پٽ اميد علي الرو ۽ موقعي تي قتل جڏهن ته نسيم پٽ منٺار الرو. رحيم پٽ اميد علي الرو . رحيم الرو۽ زمين تي ڪم ڪندڙ واٽهڙو اسحاق پٽ محمد مراد اوڍو گوليون لڳڻ ڪري زخمي ٿي پيا آهن جڏهن ته ڳوٺ رند جتوئي جو رهواسي اعظم پٽ الاهي بخش جتوئي قتل ٻه ڄڻا زخمي ٿي پيا آهن هوڏانهن ڄاڻايل ڌرين ۾ هلندڙ ڇتي فائرنگ باوجود حد جي فيض محمد ٻنڊو پوليس نه پهتي . رابطي ڪرڻ تي الرا برادري جي چڱي مڙس غلام عباس الرو جو چوڻ آهي ته اسان ڪچي واري علائقي ۾ پنهنجي زمين تي ڪڻڪ جي پوکائي ڪري رهيا هئاسين ته اوچتو جتوئي برادري جي هٿياربندن اسان مٿان حملو ڪري ڇتي فائرنگ ڪري گوليون هڻي ٽي ڄڻي کي قتل ۽ 2 ڄڻن کي زخمي ڪيو آهي . هوڏانهن ڄاڻايل ڌرين ۾ فائرنگ پڻ جاري آهي