پي ٽي آءِ سنڌ پاران گلشن حديد ۽ اسٽيل ٽائون ۾ پاڻي کوٽ خلاف تحريڪ هلائڻ جو اعلان

پاڻي جهڙو بنيادي حق عوام کان زبردستي کسي کين تڪليف ۽ تباهي ڏانهن ڌڪيو پيو وڃي: ڊاڪٽر مسرور سيال

ملير (رپورٽ: عبدالرشيد مورجھريو) گلشن حدید ۽ اسٽيل ٽائون سميت لڳ ڀڳ چار لک آبادي جو پاڻي گذريل ٽن مهينن کان جي بند هجڻ خلاف پاڪستان تحريڪ انصاف سنڌ جي اڳواڻن هنگامي پريس ڪانفرنس ۾ احتجاجي تحريڪ هلائڻ جو اعلان ڪري ڇڏيو آهي۔گلشن حدید ۾ پي ٽي آئي سنڌ جي جنرل سيڪريٽري ڊاڪٽر مسرور علي سيال، ناصر علي خان، عمير شاهد ۽ ٻين اڳواڻن پريس ڪانفرنس ۾ سخت ردعمل جو اظهار ڪندي چيو ته پاڻي جهڙو بنيادي حق عوام کان زبردستي کسي کين بدامني، تڪليف ۽ تباهي ڏانهن ڌڪيو پيو وڃي ڊاڪٽر مسرور سيال جو چوڻ هو ته 27هين آئيني ترميم بعد نه رڳو ملڪ جي سياسي ۽ انتظامي ڍانچي کي ڪمزور ڪيو ويو آهي، پر عوام کي به غلامي ڏانهن ڌڪي ڇڏيو آهي۔هن وڌيڪ چيو هڪ شخص کي ملڪ تي مڙهي، ادارن کي مفلوج ڪيو ويو آهي اسان جي ليڊر عمران خان کي اڪيلي ڪاري ڪوٺڙي ۾ بند ڪري، سندس ڀينرن کي ملڻ تائين نه ڏنو ويو اهڙي قسم جو ظلم ڪڏهن به برداشت نه ڪيو ويندو مٿان هاڻي 28هين آئيني ترميم آڻڻ جون تياريون ڪري ملڪ ۾ وڌيڪ افراتفري پيدا ڪئي پئي وڃي هن چيو ته گلشن حدید ۽ اسٽيل ٽائون جهڙن اهم ۽ وڏي آبادي وارن علائقن ۾ پاڻي مڪمل طور بند ڪرڻ سان ماڻهن کي بدترين مهنگائي ۽ بيروزگاري کان پوءِ هاڻ بنيادي سهولتن کان به محروم ڪيو پيو وڃي پريس ڪانفرنس ۾ اڳواڻن الزام هنيو ته اسٽيل ملز جهڙو ملڪ جو اهم ادارو اڳ ئي تباهه ڪيو ويو هاڻي علائقن جو پاڻي بند ڪري ماڻهن لاءِ زندگي عذاب بڻائي وئي حڪمران پارٽي سان لاڳاپيل ايم اين ايز، ايم پي ايز ۽ مقامي نمائندا ماڻهن جا مسئلا حل ڪرڻ بدران فوٽو سيشن ۽ ڊرامي بازيون ڪري رهيا آهن4 انچ جي لائين لڳائي، مٺايون ورهائي ماڻهن کي ڪوڙن آسرن ۾ رکيو ويو هن چيو ته انفراسٽرڪچر ۽ پاڻي موجود هجڻ باوجود چار لک آبادي کي پيئڻ جي پاڻي کان محروم ڪيو ويوپي ٽي آئي اڳواڻن واضع ڪيو ته جيڪڏهن علائقي جو پاڻي فوري طور بحال نه ڪيو ويو ته علائقي واسين سان گڏ وڏي احتجاجي تحريڪ شروع ڪئي ويندي مقامي ادارن جي آفيسن جو گهيرا ڪيو ويندواسٽيل ملز جي ذميدار عملدارن خلاف شديد احتجاج ڪيو ويندو هنن چيو اسان ماڻهن کي وڌيڪ پريشاني ۾ ڇڏڻ نٿا چاهيون، پر جيڪڏهن حڪومت نه جاڳي ته سخت قدم کڻڻ کان پاسو نه ڪنداسين.علائقي واسين ۾ شديد بيچيني، پاڻي بحران سنگين چار لک کان وڌيڪ رهواسين کي پاڻي بند هجڻ سبب روزمرهه زندگي بُري طرح متاثر ٿي چڪي آهي۔ عورتون، ٻار، بزرگ پاڻي جي ڳولا ۾ پريشان آهن، جڏهن ته ٽينڪر مافيا ڦر لٽ تي لڳل آهي پي ٽي آئي اڳواڻن مطالبو ڪيو ته پاڻي فوري بحال ڪيو وڃي ذميوارن خلاف ڪارروائي ڪئي وڃي علائقي جي پاڻي نظام کي مستقل بنيادن تي بحال ڪيو وڃي پريس ڪانفرنس ۾ سماجي اڳواڻن، شهرين وڏي انگ ۾ شرڪت ڪئي