سيوھڻ ڀرسان جتوئي ۽ پنجوٿا برادري جي ٻن ڌرين ۾ جهيڙي دوران هڪ ڄڻو قتل، 4 زخمي

گوليون لڳڻ سبب شهاب الدين عرف ڇوٽو جتوئي مارجي ويو، 4 ڄڻا زخمي ٿي پيا

سيوھڻ (رپورٽر) سيوھڻ ڀرسان ڳوٺ علي مراد پنجوٿو وٽ زميني تڪرار تان جتوئي ۽ پنجوٿا برادري ۾ جهيڙو, فائرنگ، گوليون لڳڻ سبب هڪ ڄڻو شهاب الدين عرف ڇوٽو جتوئي مارجي ويو, ٻنهي ڌرين جا 4 ڄڻا زخمي, لاش ۽ زخمين کي سيوھڻ اسپتال آندو ويو مقتول شھاب الدين جتوئي جي زخمي ڀاء مشتاق جتوئي جي حالت ڳڻتي جوڳي, زخمين ۾ مشتاق جتوئي, حاجي خان پنجوٿو, حاجي صاحب پنجوٿو ۽ رياض پنجوٿو شامل وڏي انگ جتوئي ۽ پنجوٿا برادري جا ماڻهون اسپتال گڏ ٿي ويا, لاش جو پوسٽ مارٽم جاري, ڊاڪٽرن جو چوڻ هو ته زخمي مشتاق جتوئي جي حالت ڳڻتي جوڳي آهي ۽ آئي سي يو وارڊ ۾ داخل ڪيو ويو آهي, ٻڌايو پيو وڃي ته ٻنهي ڌرين ۾ زمين واري معاملو ڪافي وقت کان هلندڙ هو ۽ ڌريون فيصلي لاءِ مختلف هنڌن تي پنڌ ڪري رھيون ھيون پر فيصلو نه ٿي سگھيو, واقعي بعد علائقي ۾ خوف واري صورتحال, ڌريون مورچا بند ٿي ويون ڪنهن به وقت وڌيڪ خونريزي جو امڪان, سيوهڻ پوليس موجب واقعي جي ابتدائي رپورٽ داخل ڪئي وئي آهي ۽ جاچ جاري آهي,