عمرڪوٽ ۾ سونارن جا دڪان ٽوڙي ڪروڙن جي چوري 08 نامعلوم جوابدارن خلاف ڪيس داخل، ڪو به گرفتار نه ٿي سگهيو

عمرڪوٽ (رپورٽ:ڪانجي مل رکيسر) عمرڪوٽ شهر ۾ گذريل رات وڏي واردات دوران عائشہ مارڪيٽ ۽ راڻا چوڪ ۾ سونارن جا دڪان ٽوڙي ڪروڙين رپين جو نقصان ڪيو ويو، فريادي مڌن مالهي موجب اٺ نامعلوم جوابدار ڪار ۽ وين ۾ سوار ٿي دڪان جو شٽر ٽوڙي اندر داخل ٿيا ۽ سون 20 ڪلو چانديءَ ۽ هڪ لک روڪ رقم کڻي فرار ٿي ويا، واقعي کان پوءِ مڌن مالهي عمرڪوٽ ٿاڻي تي ايف آءِ آر داخل ڪرائي، جنهن ۾ اٺن نامعلوم ڏوهارين کي نامزد ڪيو ويو آهي، پوليس موجب رات دير سان ڪيس داخل ٿيو، پر هن وقت تائين ڪو به جوابدار گرفتار نه ٿي سگهيو آهي، چوري جي وڏي واردات سان شهر ۾ خوف ۽ سخت پريشاني ڦهلجي وئي آهي، پوليس واقعي جي جاچ شروع ڪري ڇڏي آهي ۽ ڏوهارين جي ڳولها لاءِ ٽيمون مقرر ڪيون ويون آهن.