پ پ ايم اين اي ذوالفقار بهڻ جي گهر مان 700 تولا سون ڦر ٿيو، پنجاب مان هڪ جوابدار گرفتار ڪري 120 تولا سون ۽ 53 لک هٿ ڪري ورتا: پوليس

نوشهروفيروز (ڊ ر) ايم اين اي ذوالفقار بهڻ جي گهر ڌاڙي وارو معامرو، ٽن ضلعن جي ايس ايس پيز جي ايس ايس پي نوشھروفيروز جي ميٽنگ هال ۾ ايس ايس پي نوشھروفيروز روحل خان کوسو ، ايس ايس پي نوابشاهه شبير سيٺار ، ايس ايس پي حيدرآباد عديل چانڊيو، ايم اين اي ذوالفقار بهڻ ۽ پ پ ضلعي صدر سهيل اختر عباسي سان گڏ پريس ڪانفرنس ڪندي چيو آهي ته پنجاب جي علائقي جهنگ مان جوابدار عثمان سيال کي گرفتار ڪيو سين جنهن جو تعلق جيسل بلوچ گينگ سان آهي جيڪا سنڌ، پنجاب، خيبرپختونخواه جي علائقن ۾ وارڌاتون ڪندي آهي هنن چيو ته ٽي هفتا اڳ هٿياربند ايم اين اي ذوالفقار بهڻ جي گهر گهر ڀاتين کي يرغمال بڻائي سونا زيور ۽ روڪ رقم جو ڌاڙو هڻي فرار ٿي ويا هيا گرفتار جوابدارن وٽان 53 لک روپيا روڪ، سون ۽ ٻه ڪلاشنڪوف هڪ پسٽل ۽ گوليون هٿ ڪيون ويون آهن هنن چيو ته سڄي سنڌ اندر امن امان جي صورتحال کي بهتر بڻايو ويندو ۽ بدامني کي روڪيو ويندو ان موقعي تي ايم اين اي ذوالفقار بهڻ اعلان ڪيو ته آپريشن ۾ حصو وٺندڙ پوليس آفيسرن ۽ سندن ٽيم کي 25 لک روپيا انعام روڪ ڏيان ٿو هن چيو ته مان صوبائي گهرو وزير ضياء الحسن لنجار ، سميت پوليس عملدارن جو شڪريو ادا ڪيان ٿو جن جدوجهد ڪري جوابدار گرفتار ڪيا سامان واپس ڪرايو