بودر فارم ويجهو 2مهينا اڳ پرڻيل پرائمري ماسترياڻي جو گهر مان ڦاهو لڳل لاش

64 views | 11th Nov 2025 • سنڌي خبرون

ڳوٺ ڪامل ڪلر ۾ 28 ورهين جي ماسترياڻي ثمينه زال زاھد ڪلر جو گھر مان ڦاھو لڳل لاش مليو

بودر فارم ويجهو 2مهينا اڳ پرڻيل پرائمري ماسترياڻي جو گهر مان ڦاهو لڳل لاش

عمرڪوٽ (ڊ ر) عمرڪوٽ ضلعي جي بودرفارم ٿاڻي جي حد ۾ واقع ڳوٺ ڪامل ڪلر مان 28 سالن جي سرڪاري پرائمري اسڪول ٽيچر ثمينه زال زاھد ڪلر جو گھر مان ڦاھو کاڌل لاش هٿ آيو آهي، اطلاع تي بودر فارم ٿاڻي جي پوليس واقعي واري هنڌ پهچي، لاش کي پنهنجي تحويل ۾ وٺي سول اسپتال عمرڪوٽ منتقل ڪيو، پوليس موجب، فوتي عورت ثمينه ڪلر بودرفارم گرلس پرائمري اسڪول ۾ ٽيچر طور مقرر هئي، واقعي جي اطلاع تي علائقي ۾ ڏک ۽ سوڳ جي لهر ڇائنجي وئي، جڏهن ته گهر ۾ ڪهرام مچي ويو، وارثن موجب، ثمينه ڪلر جو ذهني توازن ڪجهه وقت کان درست نه هو، جنهن سبب مبينه طور ڦاھو کائي خودڪشي ڪري زندگي جو انت آندو، پوليس جو چوڻ آهي ته فوتي جو مڙهه ضروري ڪاروائيءَ کان پوءِ وارثن حوالي ڪيو ويو آهي، ياد رهي ته صرف ٻه مهينا اڳ ثمينه ڪلر جي شادي سندس ئي مائٽ زاھد ڪلر سان ٿي هئي پوليس موجب تحقيقات جاري آھي وڌيڪَ ابتدائي پوسٽ مارٽم رپورٽ اچڻ بعد ڪاروائيءَ عمل ۾ آندي ويندي.