ملير ۾ جساف بشير قريشي پاران نوابشاهه يونيورسٽي انتظاميه خلاف احتجاج

جساف بشير قريشي جي مرڪزي صدر عبدالحنان عباسي ياسر شر ۽ ٻين تي ڪوڙا ڪيس داخل ڪيا ويا آهن: اڳواڻ

ملير(عبدالرشيد مورجھريو)نواب شاھ ۾ شھيد بينظير ڀٽو يونيورسٽي انتظاميا طرفان جساف شھيد بشير خان جي مرڪزي صدر عبدالحنان عباسي ياسر شر سميت ڪارڪنن تي ڪوڙا ڪيس داخل ڪرڻ ۽ تشدد ڪرڻ خلاف ملير ۾ جساف شھيد بشير خان طرفان رزاق آباد جي مک چوڪ کان احتجاجي ريلي ڪڍي عوامي پريس ڪلب اڳيان ڌرڻو هنيو ويو جنهن جي اڳواڻي جساف ملير جو صدر وهاب سنڌي عزادار چانڊيو ثاقب سنڌي راجا سيال علي مراد جتوئي ڪري رهيا هئا ريلي ۾ شريڪ ڪارڪنن جي هٿن ۾ بينر ۽ پلي ڪارڊ هئا هو بينظير ڀٽو يونيورسٽي جي وائس چانسلر مدد علي شاھ ۽ سيڪورٽي انچارچ نويد لاکو کي عهدي تان هٽائي گرفتار ڪريو ۽ جساف جي مرڪزي صدر مٿان مڙھيل ڪوڙا ڪيس ختم ڪريو جا مطالبا ڪري رهيا هئا ان موقعي تي اڳواڻ جو چوڻ هو ته بينظير ڀٽو يونيورسٽي جي وائس چانسلر مدد علي شاھ يونورسٽي هلائڻ بدران غنده پالي جساف جي مرڪزي صدر ۽ قومي ڪارڪنن تي حملا ڪرائي ڪوڙا ڪيس مڙھي سڄي سنڌ جي شاگردن ۾ بيچني ۽ ڪاوڙ پکيڙي رهيو آھي هنن چيو ته جيڪڏهن وائس چانسلر خلاف قانوني ڪاروائي ڪري جساف اڳواڻ مٿان مڙھيل ڪوڙا ڪيس ختم نه ڪيا ويا ته سڄي سنڌ سراپا احتجاج بڻجي ويندي