مظلوم طبقن جي حقن لاءِ ڄمي بيٺا رھو، سنڌ ۽ ملڪ جو عوام اوھان سان گڏ آھي: اياز لطيف پليجو جو سردار اختر مينگل سان فون تي رابطي ۾ اظهار

اياز لطيف پليجي پاران ڪوئيٽا ۽ بنو ۾ دھشتگردي جي واقعن جي مذمت

حيدرآباد(بيورو)قومي عوامي تحريڪ جي سربراھ اياز لطيف پليجي ڪوئيٽا ۽ بنو ۾ دھشتگردي واقعن جي مذمت ڪندي شھيدن جي وارثن سان ڏک جو اظھار ڪيو آھي. اياز لطيف پليجي سردار اختر مينگل کي فون ڪري ڪوئيٽا ۾ مٿس حملي جي سخت مذمت ڪئي ۽ ساڻس يڪجھتي جو اظھار ڪندي چيو تہ مظلوم طبقن جي حقن لاءِ ڄمي بيٺا رھو. سنڌ ۽ ملڪ جو عوام اوھان سان گڏ آھي اختر مينگل ٿورا مڃيا. اياز لطيف پليجي چيو تہ عالمي سامراجي طاقتون ملڪ کي ڪمزور ڪرڻ چاھين ٿيون. دھشتگردي جا واقعا ملڪ لاءِ وڏو خطرو آھن. واقعن مان لڳي تو تہ دھشتگردن جو نيٽورڪ مظبوط آھي. سوال آھي تہ اسان جا ادارا دھشتگردن جي نيٽورڪ کي ٽوڙڻ ۾ ڇو ناڪام وڃي رھيا آھن. ڇو واقعن کي روڪي نہ سگھيا آھن. اياز لطيف پليجي چيو تہ عالمي سامراج طاقتون ملڪ جي ترقي نٿيون چاھين. انڪري اھڙا واقعا ڪري دھشتگردي ۽ عدم سلامتي وارو ماحول پيدا ڪرڻ چاھين ٿا. دھشتگرد واقعن جي جيتري بہ مذمت ڪجي گھٽ آھن. اياز لطيف پليجي چيو تہ بنو سميت اختر مينگل تي حملي ۾ ملوث دھشتگردن کي فوري طور تي گرفتار ڪيو وڃي.