ڪمشنر ميرپورخاص ڊويزن فيصل احمد عقيلي سامارو پهتو، پوليو مهم جو جائزو ورتو

ان موقعي تي ڊپٽي ڪمشنر نويد الرحمان لاڙڪ، اسسٽنٽ ڪمشنر پٿورو/سامارو سنجي ڪمار ۽ ٻيا به موجود هئا

عمرڪوٽ (رپورٽ:ڪانجي مل رکيسر) ڪمشنر ميرپورخاص ڊويزن فيصل احمد عقيلي چيو آهي ته پوليو جو خاتمو اصل مقصد آهي، ھي ڳالھ هن ڳوٺ فواد ڀرڳڙي، يو سي آراڙوءِ ڀرڳڙي، حاجي دودو رند ۽ ذوالفقار خاصخيلي تعلقو سامارو ۾ پوليو مهم جو جائزو وٺندي ڪئي، جتي هن پوليو ٽيمون سان ملاقات ڪري سندن ڪم جي باري ۾ ڄاڻ حاصل ڪئي، هن وڌيڪ چيو ته پوليو مهم کي ڪامياب بڻائڻ لاءِ سڄي انتظاميه فيلڊ ۾ موجود آهي ۽ پوليو جو ڪم انساني همدردي ۽ ذميواري جي احساس سان ڪيو پيو وڃي، دوري دوران ڊپٽي ڪمشنر عمرڪوٽ نويد الرحمان لاڙڪ، اسسٽنٽ ڪمشنر پٿورو/سامارو سنجي ڪمار، ضلعي فوڪل پرسن ڊاڪٽر وجئہ ڪمار، ايريا انچارجز ۽ لاڳاپيل آفيسر ساڻس گڏ هئا، ان موقعي تي ضلعي فوڪل پرسن پوليو پروگرام ڊاڪٽر وجئہ ڪمار ٻڌايو ته پوليو مهم دوران ضلعي جي 2 لک 84 هزار 44 ٻارن (پيدائش کان پنجن سالن تائين) کي پوليو کان بچاءَ لاءِ قطرا پيارڻ جو حدف مقرر ڪيو ويو آهي، ان حوالي سان مهم کي ڪامياب بڻائڻ لاءِ 817 موبائل ٽيمون، 41 ٽرانزٽ پوائنٽس، 44 فڪسڊ پوائنٽس، 41 يو سي ايم اوز، 181 ايريا انچارجز ۽ 9 ضلعي مانيٽر مقرر ڪيا ويا آهن.