ور شهر ۾ شاگردياڻين کي تنگ ڪرڻ جا واقعا وڌي ويا، والدين پريشان

اسڪول اچڻ ۽ واپس گهر وڃڻ وقت شاگردياڻين کي تنگ ڪيو پيو وڃي: عبدالجبار شيخ

ٺٽو( شفيق ڀٽي)ور شھر ۾ اسڪول ويندڙ نياڻين سان نامعلوم ماڻھن جون غلط حرڪتون گھوڙاٻاري: ور شھر ۾ اسڪول ويندڙ نياڻين سان نامعلوم ماڻھن طرفان بار بار غلط حرڪتون ٿيڻ لڳيون آهن، جنهن سبب والدين ۾ سخت ڳڻتي ۽ خوف ڇانيل آهي. علائقي جي رهاڪو عبدالجبار شيخ ايس ايس پي ٺٽو کي درخواست لکي مطالبو ڪيو آهي ته اسڪولن جي وقت ۾ پوليس گشت وڌايو وڃي، جيئن نياڻين کي محفوظ بڻائي سگهجي. سندس چوڻ آهي ته نياڻين جي اسڪول مان موٽڻ وقت نامعلوم ماڻھو بار بار سندن پويان لڳي بيهندا آهن ۽ هراسان ڪرڻ جون ڪوششون ڪن ٿا، جنهن ڪري ڪنهن به وقت اڻ وڻندڙ واقعو پيش اچي سگهي ٿو. شھرين پڻ انتظاميا کان اپيل ڪئي آهي ته فوري طور قدم کنيا وڃن، ذميوارن کي گرفتار ڪيو وڃي ۽ اسڪولن جي چوڌاري پوليس جي موجودگي يقيني بڻائي وڃي.!