سنڌ ايمپلائيز الائينس ضلعي ٺٽي جو اجلاس منعقد

25آگسٽ تي تالا بندي ڪري قلم ڇڏ هڙتال جو اعلان ڪيو ويو

ٺٽو( محمد شفيق ڀٽي)سنڌ ايملائز الائنس ضلعو ٺٽو پاران سنڌ جي ملازمن پاران پينشن ۾ ڪٽوتي، ڊي آر اي الائونس نه ملڻ سميت ملازم دشمن قانونن خلاف سومر 25 آگسٽ تي سمورين آفيسن, تعليمي اداره ۽ سرڪاري اسپتالون ۾ مڪمل تالا بندي ڪري قلم ڇڏ هڙتال جو اعلان ڪيو ويو آهي. ان ڏس ۾ سنڌ ايمپلائيز الائينس ضلعي ٺٽي جو هڪ اجلاس گسٽا ضلعي ٺٽي جي ميزباني ۾ هاءِ اسڪول مڪلي ۾ ٿيو جتي گسٽا، پ ٽ الف، گواز، سسپا, سپلا, گريوا، آپڪا، پيراميڊيڪل، لوئر اسٽاف سميت مختلف ملازمن تنظيمن جي اڳواڻن شرڪت ڪئي. اجلاس کي خطاب ڪندي سنڌ ايمپلائيز الائينس ضلعي ٺٽي جي چيئرمين ۽ گسٽا اڳواڻ غلام نبي خشڪ، علاءُالدين بروهي، پ ٽ الف اڳواڻ شريف تنيو، خير محمد بروهي،, غلام محمد ٻارچ,عبدالغفور ڪلمتي, محمد علي ٻٻر,سرور جوکيو, لياقت چانڊيو, غلام حيدر ڪلمتي گواز اڳواڻ سيد فدا حسرن شاھ, محمد حسن سومرو, محمد بخش بھراڻي بشارت جوکيو, آپڪا اڳواڻ احمد نواز پٺاڻ، عبداڪريم بانڊ,سجاد سمون، تاج بروهي، سسپا اڳواڻ حيات ميمڻ، پيرا ميڊيڪل اڳواڻ انور جاکرو، لوئر اسٽاف اڳواڻ وزير هالو ۽ ٻين چيو ته سومر جي ڏينهن اسڪولن سميت ضلعي جي سمورن ادارن کي تالا هڻي مڪمل ڪم ڇڏ هڙتال ڪئي ويندي، هنن چيو ته حڪومت هر روز نوان ملازم دشمن ڪارا قانون آڻي ملازمن کي معاشي نقصان ڏيئي رهيا آهن جنهن جي خلاف سمورا ملازم هم آواز آهن ۽ مرحلي وار احتجاجي تحريڪ شروع ڪئي ويئي آهي.