ٺٽو: سيشن ڪورٽ ۾ پيشي تي آيل قيدي هٿڪڙين سوڌو ڪورٽ مان فرار، 2 اهلڪار گرفتار

45 views | 18th Aug 2025 • سنڌي خبرون

بدين جيل کان پيشي تي آندل منشيات ڪيس جو جوابدار جمعون گندرو عدالت مان پوليس اهلڪارن کان ڇڏائي فرار

ٺٽو: سيشن ڪورٽ ۾ پيشي تي آيل قيدي هٿڪڙين سوڌو ڪورٽ مان فرار، 2 اهلڪار گرفتار

ٺٽو (محمد شفيق ڀٽي) سيشن ڪورٽ ٺٽو پيشي تي آيل قيدي هٿڪڙين سوڌو پوليس نفري هوندي به ڪورٽ مان فرار ٿي ويو، تفصيل موجب سيشن ڪورٽ ٺٽو بدين جيل کان پيشي تي آندل منشيات جي ڪيس ۾ جيل ڪاٽيندڙ جوابدار جمعون گندرو جنھن کي بدين جيل مان عدالت آندو ويو هو اهو قيدي ڪورٽ ۾ موجود پوليس نفري ۽ جيل انتظاميه جي موجودگي ۾ وجھ وٺي هٿڪڙين سميت پوليس اهلڪارن کان ڇڏائي فرار ٿي ويو آھي جنهن کي هٿ ڪرڻ لاء پوليس ڦڙتيون شروع ڪري ڏنيون، جنهن کان پوءِ ٺٽي جي عدالت مان جوابدار فرار ٿيڻ تي 2 پوليس اهلڪار لاڪپ ڪيا ويا، آخري اطلاعن موجب ٺٽو پوليس جي جوانن پنهنجو خفيه نيٽ ورڪ استعمال ڪري فرار ٿيندڙ قيدي کي هڪ مخبر جي اطلاع تي بخاري محلي شهر ٺٽي مان ٻيهر گرفتار ڪري ورتو