ماں ایک ایسی ہستی ہے جس کی محبت پاکیزہ اور پرورش بےمثال ہے: سید مراد علی شاہ

ماں اپنی اولاد کی پرورش اور بہترین مستقبل کے لیئے جیتی ہیں: وزیراعلیٰ سندھ

کراچی: وزیراعلیٰ سندھ سید مراد علی شاہ نے کہا ہے کہ ماں ایک ایسی ہستی ہے جس کی محبت پاکیزہ اور پرورش بےمثال ہے۔ یہ بات انہوں نے مائوں کے عالمی دن کی مناسبت سے وزیراعلیٰ ہائوس سے جاری اپنے پیغام میں کہی۔ انہوں نے مزید کہا کہ ماں اپنی اولاد کی پرورش اور بہترین مستقبل کے لیئے جیتی ہیں ۔ آج کے دن کے منانے کا مقصد ممتا کے پیار اور ماں کی اہمیت کو اجاگر کرنا ہے ۔ وزیراعلیٰ سندھ نے کہا کہ آج سوچنا یہ ہے کہ ہماری مائوں نے ہمیں ایک مضبوط، باشعور اور پر وقار شخصیت بنایا لیکن کیا ہم انہیں وہ احترام دے سکے ہیں ۔ انہوں نے مزید کہا کہ آج ان اولادوں کو اپنے گریبان میں دیکھنا چاہیئے جن کی مائیں انکی محبت سے محروم ایدھی ہومز میں زندگی گزار رہی ہیں۔ سلام ان فلاحی اداروں کو جو دوسروں کی مائوں کو اپنی مان سمجھ کر ان کی زندگی کا آخری سہارا بنتے ہیں ۔