ڪراچي کان اسلام آباد لاءِ نڪتل آءِ بي اي ٽيسٽ پاس اميدوارن جو قافلو نوشهروفيروز پهتو

آءِ بي اي ٽيسٽ پاس اميدوارن جو قافلو عبدالغفار مغيري، عاجز ميراڻي ۽ ٻين جي اڳواڻي ۾ منزل طرف روان دوان

نوشهروفيروز(ڊ ر) ڪراچي کان اسلام آباد تائين مارچ ڪندڙ آءِ بي اي ٽيسٽ پاس اميدوار پريس ڪلب پهتا جن احتجاج ڪيو IBA ٽيسٽ مان پاس ٿيل پي ايس ٽي ۽ جي ايس ٽي 40 پلس رهجي ويل نوجوان جي اڳواڻي عبدالغفار مغيري، عاجز ميراڻي، عرفان چوهاڻ ۽ ٻيا اڳواڻي ڪري رهيا هئا جن نعريبازي به ڪئي هنن چيو ته 33 پرسنٽ وارن کي نوڪري ملي ٿي ته 40 پلس وارن کي ڇو نه ٿي وڃي، ٽائيم پيرڊ وڌائي رهجي ويل اميدوارن کي ڀرٿي ڪيو وڃي پاليسي ۾ نرمي آڻي ضلعي يا ڊويزن سطح تائين پهچايو وڃي، اسان ذاتي مفاد لاءِ نه پر ميريٽ ۽ شعور کي بچائڻ لاء نڪتا آهيون هن سال جي بجيٽ ۾ رهجي ويل پاس استادن جي ايس اين اي فراهم ڪئي وڃي مظاهرين احتجاج رڪارڊ ڪرائڻ بعد اميدوار منزل طرف روانا ٿي ويا