سنڌي ادبي سنگت شاخ ملير جي ھفتيوار دستوري گڏجاڻي يونس خاصخيلي جي صدارت هيٺ عوامي پريس ڪلب ملير ۾ ٿي گذري

ڪاروائي اصغر مھرائي ھلائي، شاخ جي ڪامياب پروگرامن کي ساراهيو ويو

ملير (رپورٽ: عبدالرشيد مورجھريو) سنڌي ادبي سنگت شاخ ملير جي ھفتيوار دستوري گڏجاڻي نالي واري سماج سڌارڪ قومي اڳواڻ محترم يونس خاصخيلي جي صدارت ۾ عوامي پريس ڪلب ملير ۾ ٿي جنهن جي ڪاروائي شاخ جي سيڪريٽري اصغر مھرائي ھلائي،گڏجاڻيءَ ۾ شاخ جي ڪامياب پروگرامن کي ساراهيو ويو ۽ آئنده به اھڙي نئين طرز سان جديد پروگرام ڪرڻ جو وچن ڪيو ويو .ان موقعي تي صدارتي راء ڏيندي يونس خاصخيليءَ چيو ته ملير شاخ ھن وقت ڪراچيءَ اندر تمام سٺو ڪم ڪري رھي آھي شاخ ملير وٽ تمام سٺا شاعر دوست موجود آھن جيڪي پنھنجي شاعريءَ جي ذريعي عوام ۾ شعور پيدا ڪري رھيا آھن اڄوڪي گڏجاڻيء مونکي تمام گھڻو اتساھ ڏنو آھي.جڏھن ته اديب رجب ڀنڊ چيو ته ھن وقت سنڌ ۾ تمام سٺي شاعري ٿي رھي آھي گڏجاڻي ۾ تنقيد لئه نڪور تخليقون پيش ڪيون ويون جنهن تي راءِ ڏيندي غفور شاھ چيو ته جنھن شاعر وٽ درد ناھي اھو شاعر ناھي، درد ئي شاعري لکائي ٿو، اڄ جي شاعرن جي شاعريءَ م نواڻ آھي ۽ نوجوان نوان نوان استعارا استعمال ڪري رھيا آھن.گڏجاڻيءَ ۾ سڪندر سرواڻ سومرو ، قمبر ٻٽ، عنايت شاھ، سامي ميمڻ، جمشيد زھراڻي لعل محمد پنھور رجب ڀنڊ۽ ٻين دوستن شرڪت ڪئي.