ملير ۾ خانگي ڪارخاني مان سپروائيزر کي نيڪالي، رهتون گهرڻ تي تشدد بعد مٿس مبينا فائرنگ

ملير (رپورٽ: عبدالرشيد مورجھريو) ملير ۾ قومي شاھراه لڳ خانگي ڪارخاني مان چئين سالن کان ڪم ڪندڙ سپروائزر کي جبري نيڪالي ڏيڻ بعد رهتون گهرڻ تي بااثر جي ايم رهتون ڏيڻ بدران مٿس تشدد ڪري گولي هڻي زخمي ڪري ڇڏيو،سپروائيزر مٿان ٿاڻي تي ڪيس به داخل ، واقع خلاف پورهيتن جو قومي شاھراھ تي ڌرڻي بعد پريس ڪلب پهچي احتجاجي مظاھرو مظاهرو، ايس پي ملير طرفان سپر وائزر انور شاھ خلاف داخل ڪوڙي ڪيس کي ختم ڪري زخمي ملازم جو ڪيس داخل ڪرڻ جو واعدو پورو نه ٿيو فائرنگ ڪندڙ ڪارخاني جي جي ايم خلاف ڪاروائي ڪري ملازم انور شاھ تي مڙھيل ڪوڙو ڪيس ختم نه ڪيو ويو ته احتجاج جو دائرو وسيع ڪنداسين عادل آرئين اصغر کوسو عرفان ڪلوئي ۽ ٻين جون صحافين سان ڳالھيون تفصيل موجب ملير ۾ قومي شاھراه لڳ خانگي ڪارخاني قاسم ڊينم ٽيڪسٽائل مل مان چئين سالن کان ڪم ڪندڙ سپروائزر انور شاھ کي ملازمت تان جبري نيڪالي ڏيئي رهتون گهرڻ تان ڪارخاني جي جنرل مينيجر رضوان متين پنهنجي هٿيار بند ساٿين سان مٿس حملو ڪري تشدد ڪرڻ بعد گولي هڻي زخمي ڪرڻ اٽلو شاھ لطيف ٿاڻي تي جهيڙي جو ڪيس داخل خلاف خلاف پورهيتن عادل آرئين اصغر کوسو زخمي پورهيت انور شاھ عرفان ڪلوئي جي اڳواڻي ۾ قومي شاھراھ تي ڌرڻي بعد عوامي پريس ڪلب ملير پهچي احتجاجي مظاھرو ڪيو۽ فيڪٽري انتظاميا خلاف سخت نعريبازي ڪئي پورهيت اڳواڻن صحافين سان ڳالھائندي چيو ته قاسم ٽيڪسٽائل مل کي غيرقانوني عمل زريعي ملازمن لاءِ عقوبت خانو بنايو ويو آهي جتي پورهيت دشمن جي ايم رضوان متين ظلم ۽ دهشت جو راڄ قائم ڪري ورتو آهي هن غير قانوني طور بيدخل ڪيل سپروائزر انور شاھ کي رهتون گهرڻ جي ڇوھ ۾ گولي هڻي زخمي ڪيو آهي جنهن خلاف قانوني ڪاروائي بدران اٽلو انور شھ تي ڪيس داخل ڪيو ويو آهي هنن چيو ته انور شاھ تي مڙهيل ڪوڙو ڪيس ختم ڪيو وڃي ۽ قومي شاھراھ تي ڌرڻي دوران ايس پي ملير آصف آرئينجي خاطري تي انور شاھ تي مڙيل ڪيس ختم ڪري سندس مدعيت ۾ ڪيس داخل ڪيو وڃي جنهن تي اڃان تائين عمل نه ٿيو هنن آئي جي سنڌ ايس ايس پي ملير کان مطالبو ڪيو ته بدمعاش جي ايم رضوان متين ۽ سندس ساٿي آصف لغاري کي گرفتار ڪري زخمي انور شاھ مٿان داخل ڪوڙو ڪيس ختم ڪيو وڃي ٻئي صورت ۾ احتجاج جو دائرو وسيع ڪندي فيڪٽري جي گيٽ سامھون ڌرڻو هڻنداسين