خانپور ويجهو ڳوٺ حبل سيٺار ۾ سيٺار برادريءَ جي ٻن ڌرين ۾ ھلندڙ تڪرار جي خاتمي لاء ميڙ منٿ قافلو پهتو

ميڙ منٿ قافلو سنڌ سيٺار ويلفيئر ايسوسيئيشن (سسوا) جي سرپرست اعلي ثناءُالله سيٺار جي اڳواڻي ۾ پهتو

شڪارپور ( احسان ابڙو ) شڪارپور جي خانپور ويجهو ڳوٺ حبل سيٺار ۾ سيٺار برادريءَ جي ٻن ڌرين ۾ ھلندڙ تڪرار جي خاتمي لاء سيٺار برادري جي معززين جو ميڙ منٿ امن قافلو سنڌ سيٺار ويلفيئر ايسوسيئيشن (سسوا) جي سرپرست اعلي ثناءُالله سيٺار جي اڳواڻي ۾ ارباب علي سيٺار، حبيب الله سيٺار، فيض محمد سيٺار، سسوا جو فائونڊر ميمبر عبدالحق سيٺار، اعجاز علي سيٺار جاويد علي سيٺار، عطاء الله سيٺار، عزيز الله سيٺار، اويس احمد سيٺار آصف علي سيٺار خالد سيٺار،فضل الله سيٺار غلام نبي لوھر ۽ ٻيا شاھمور سيٺار ۽ غلام سرور سيٺار جي ڌرين وٽ پھتا تڪراري ڌرين معززين کي اڳرائيءَ نه ڪرڻ جي خاطري ڪرائي وئي جڏھن ته ڌرين پاران صلاح مشوري ڪرڻ لاءِ ٻن ڏينهن جي مھلت گھري ورتي تڪراري ڌرين پاران ميڙ منٿ جي قافلي کي فيصلي لاء پڻ راضپو ظاهر ڪري امن قافلي کي بھترين موٽ ڏني وئي