ملير ۾ سنڌ هاءِ ڪورٽ جي وڪيل پاران پٽ، سندس زال ۽ سالن خلاف احتجاج

ملير (رپورٽ: عبدالرشيد مورجھريو)سنڌ هائي ڪورٽ جي ايڊوڪيٽ غلام مصطفي منگي جي گهر مان پٽ, ننهن ۽ سندن سالن طرفان ڦر، گهر ۾ موجود ڪراڙي امڙ رڙيون ڪندي مدد لاء پکاريندي رهي، عجيب ۽ غريب ڦر ۾ پيءَ جي غير موجودگي ۾ پٽ ۽ سندس زال ساٿين سان گڏ ڀينرن جو رکيل ڏاج سونا زيور گهر جا ڪاغذ ۽ ٻيو قيمتي سامان ڦر ڪري فرار، ڪراڙي امڙ سچل ٿاڻي پهچي پٽ، نهن ۽ سندن ساٿين خلاف ڪيس داخل ڪرايو منهنجو پٽ نافرمان ۽ دجال آھي جنهن کي ڀينرن ڪراڙي ماء ۽ پيء جي به ڪا لڄ نه ٿي ڦر خلاف ڪيس داخل ٿيڻ ۽ لاڳاپيل ادارن ۾ درخواستون جمع ڪرائڻ باوجود اڃان تائين ڪا به ڪاروائي نه ٿي آھي پٽ ۽ نهن کي سرڪاري نوڪري تان برطرف ڪري جانچ ڪرائي وڃي ايڊوڪيٽ هائي ڪورٽ غلام مصطفي منگي جي عوامي پريس ڪلب ملير ۾ هنگامي پريس ڪانفرنس تفصيل موجب سنڌ هائي ڪورٽ جي سينيئر ايڊوڪيٽ غلام مصطفي منگي عوامي پريس ڪلب ملير ۾ هنگامي پري ڪانفرنس ڪندي پنهنجي پٽ دانش منگي، نهن ڪوثر پروين ۽ سندن سالن محمد اسد ۽ وقاص تي الزام هڻندي چيو آھي ته هنن 15جولائي 2023 تي منهنجي غير موجودگي ۾ گهر ۾ داخل ٿي گهر ۾ موجود منهنجي نياڻين جي شادي جو ڏاج سونا زيور گهر جا ڪاغذ ۽ قيمتي سامان کڻي فرار ٿي ويا ان موقعي تي منهنجون ڌيئرون ۽ زال رڙيون ڪنديون مدد لاء پکاريندي رهيون پر هن ڦورو ٽولي کي ڪو به رحم نه آيو هن چيو ته منهنجي نهن ڪوثر پروين آئي پي سي ۾ سيڪشن آفيسر ۽ هاڻ اين آئي پي اي ۾ ايڊمنسٽريشن ٽرينگ آھي جڏهن ته منهنجو پٽ دانش منگي ايف آئي اي ۾ اي ايس آئي آھي سندس سالو محمد اسد آئي جي سنڌ آفيس ڪراچي ۾ جونيئر ڪلرڪ آھي جن خلاف منهنجي گهر واري ڦر واري ڏينهن سچل ٿاڻي پهچي ڪيس نمبر 460 داخل ڪرايو جڏهن ته ڄاڻايل سرڪاري جوابدار ملازمن خلاف لاڳاپيل ادارن کي درخواستون پڻ جمع ڪرايون آھن ۽ مون واقعي خلاف ڪورٽ ۾ پڻ پٽشن داخل ڪرائي آھي پر پوء به ڄاڻايل جوبدارن کي معطل ڪرڻ سميت ڪا به ڪاروائي نه ڪئي ويئي آھي هن ڏک ۽ افسوس جو اظھار ڪندي چيو ته جنهن پٽ کي نپائي پالي پڙھائي اعلي نوڪري تائين پهچايو ان پٽ نه رڳو نافرماني ڪئي پر زال جي چوڻ تي دجال جو ڪردار ادا ڪندي ظلم جي انتها ڪري ڇڏي آھي 27سالن کان سنڌ هائي ڪورٽ ۾ وڪالت ڪري رهيو آھيان پر پاڻ سان ٿيندڙ ناانصافي جي انصاف لاء دربدر آھيان ڄاڻايل ٽولو ھاڻ مون سميت منهنجي گهر ڀاتين کي جاني ۽ مالي نقصان پهچائڻ جون ڌمڪيون ڏيئي رهيو آھي هن چيف سيڪريٽري سنڌ آئي جي سنڌ ايف آئي جي اعلي اختيارين سنڌ ھائي ڪورٽ جي چيف جسٽس کي اپيل ڪئي ته منهنجي گهر مان ڦر ڪندڙ ڄاڻايل ٽولي خلاف فوري ڪاروائي ڪري ڪورٽ مان فيصلو اڄڻ تائين جوابدارن کي معطل ڪيو وڃي ته جئين هو سرڪاري عهدن ۽ اختيارن جو غلط استعمال ڪري سگهن