ملير: لٽ بستي واسي نوجوان هڪ هفتي کان پراسرار نموني گم

جمن جت ڀينس ڪالوني مان گم ٿي ويو، کيس ڳولي ٿڪجي پيا آهيون: وارث

ملير (رپورٽر) لٽ بستي جي رهواسي پورهيت انس جت جو نوجوان پٽ جمن جت گذريل هڪ هفتي کان گم، جنهن سبب سندس گهر ۾ ڪهرام متل آهي نوجوان جي امڙ کي بيهوشيءَ جا دورا پئجي رهيا آهن جڏهن ته وارث سخت اذيت ۽ پريشانيءَ ۾ مبتلا آهن نوجوان جي والد انس جت عوامي پريس ڪلب ملير پھچي صحافين کي روئيندي ٻڌايو ته سندس نوجوان پٽ جمن جت هڪ هفتو اڳ روزگار جي سلسلي ۾ ڀينس ڪالوني ويو هو جتان هو پراسرار طريقي سان غائب ٿي ويو آھي هن ٻڌايو ته اسان پنهنجي طرفان هر هنڌ ڳولا ڪئي، اسپتالن، ٿاڻن، دوستن ۽ واسطيدار علائقن جا چڪر ڪاٽيا آھن پر اڃا تائين جمن جو ڪو ڏس نه پئجي سگهيو آهي هن دانهيندي چيو ته سندس غريب خاندان هي صدمو برداشت نه ڪري سگهندو خاص طور تي نوجوان جي ماءُ جي طبيعت تمام خراب آهي هن اعليٰ اختيارين ايس ايچ او سڪڻ، ايس ايس پي ملير ۽ آءِ جي سنڌ کي اپيل ڪئي ته نوجوان جمن جت جي ڳولا لاءِ فوري قدم کڻي ڳولا ۾ مدد ڪئي وڃي