عمرڪوٽ ۾ سماجي تنظيم اويئر طرفان مفت ميڊيڪل ڪئمپ لڳائي ويئي

عمرڪوٽ(رپورٽ:ڪانجي مل رکيسر) عمرڪوٽ ۾ سماجي تنظيم اويئر طرفان مفت ميڊيڪل ڪئمپ لڳائي ويئي، ڊاڪٽرن توڙي ليڊي ڊاڪٽرن مريضن جي طبيعت چيڪ ڪندي ٽيسٽون ڪرڻ سميت مفت ۾ دائون ڏنيون ويون خبر موجب عمرڪوٽ ڀرسان ڳوٺ عيسي منڱريو يوسي عطا محمد پلي ۾ سماجي تنظيم اويئر طرفان پي پي اي ايف جي سھڪار سان سڪيماتي مفت ميڊيڪل ڪئمپ لڳائي ويئي جنھن ۾ ڳوٺاڻن، عورتن ۽ سماجي حلقن وڏي انگ ۾ شرڪت ڪئي مفت ميڊيڪل ڪئمپ دوران ڊاڪٽر عبدالرحيم، ڊاڪٽر رابيه، ڊاڪٽر مومل ۽ ٻين ڊاڪٽرن طرفان آيل مريضن کي چڪاس ڪندي مختلف بيمارين جي مريضن جون ٽيسٽون ڪيون ۽ انھن کي مفت ۾ دائون پڻ ڏنيون ويون مفت ميڊيڪل ڪئمپ ۾ سماجي تنظيم اويئر جي ٽيم مان مس نُصرت رجب علي، سچل، ۽ بابو سميت ٻيا شريڪ ٿيا جڏھن مفت ميڊيڪل ڪئمپ جي حوالي سان سماجي تنظيم اويئر جي ترجمان ٻڌايو ته هن ڪئمپ جي ذريعي واضح ٿيو آهي ته ديهي علائقن ۾ صحت جي سهولتن جي کوٽ خاص طور تي ٻارڙن ۽ عورتن لاءِ انتهائي ڳڻتي جوڳي آهي اسين سنڌ جي صحت کاتي، ضلعي انتظاميا ۽ ٻين لاڳاپيل ادارن کان گهر ڪيون ٿا ته هو ترت قدم کڻن ته جيئن اهڙن وسيلن کان محروم علائقن ۾ مستقل بنيادن تي طبي سهولتون ۽ خوراڪ جي فراهمي کي يقيني بڻائي سگهجي ۽ هي گڏيل ڪوشش صحت جي شعبي ۾ سرڪاري ۽ غير سرڪاري ادارن جي ڀائيواري جي اهميت کي اجاگر ڪري ٿي ۽ ايويئر جي انهي عزم جي تصديق ڪري ٿي ته هو پٺتي پيل طبقي جي بهتر زندگي لاءِ جدوجهد جاري رکندو