ڏوڪري ۾ سيد ۽ کوکر برادري ۾ هلندڙ زمين جو تڪرار ختم

ٽائون چيئرمين عبدالحميد جيسر وٽ جرڳو، حبيب ﷲ کوکر ميڙ وٺي سيد برادري وٽ پھتو

ڏوڪري (اطهر ميمڻ) ڏوڪري ۾ سيد برادري ۽ کوکر برادري ۾ زمين جي معاملي تان هلندڙ تڪرار ختم، ڌريون کير کنڊ ٿي ويون ڏوڪري باءِ پاس تي هڪ ايڪڙ تيرهن ويسن تي سيد حبدار شاھ ۽ حبيب ﷲ کوکر ۾ اختلافن بعد جهيڙو ٿي پيو.جنهن جو ڳالهيون ٽائون چيئرمين عبدالحميد جيسر وٽ ٿيون ٻنهي ڌريون جون ڳالهيون ٻڌڻ دوران زرعي زمين سيد حبدار شاھ جي ثابت ٿيڻ بعد حبيب ﷲ کوکر ڳوٺ سونهري ۾ سيد برادري وٽ ميڙ وٺي پھتو ۽ ڀاڪر پائي کير کنڊ ٿي ويا آهن. ٽائون چيئرمين عبدالحميد جيسر پاران ٻنهي ڌرين جون ڳالهيون ٻڌڻ بعد ڌرين کي پاڻ ۾ ڀاڪر پارائي کير کنڊ ڪيو ويو. ان موقعي تي حبيب ﷲ کوکر جو چوڻ هو ته غلط فهمي سبب سيد حبدار شاھ سان اختلاف پيدا ٿيا هئا جيڪي ختم ٿي ويا آهن هن وڌيڪ چيو ته زرعي زمين سيد حبدار شاھ جي آهي جيڪا هن ٿهيم برادري کان ورتي هئي،هوڏانهن سيد حبدار شاھ جو چوڻ هو ته حبيب ﷲ کوکر اسان وچ ۾ غلط فهمي سبب اختلاف پيدا ٿي هئا جيڪي ختم ٿي ويا آهن.