شڪارپور پوليس هٿان 3 ڏوهاري مارجي ويا، 3 زخمي، هڪ اهلڪار اغوا بعد بازياب

شڪارپور ( احسان ابڙو )شڪارپور پوليس ۽ رينجرز جو گڏيل آپريشن:12 ڪلاڪن ۾ 3 ڏوهاري مارجي ويا،3 زخمي،اغوا ٿيل پوليس اھلڪار باحفاظت بازياب شڪارپور ضلعي جي ڳوٺ سلطان ڪمالاڻي ۾ ڏوهارين جي بدنام زمانه گينگ شھزادو ڪمالاڻي جتوئي خلاف شڪارپور پوليس ۽ رينجرز طرفان وڏي سطح تي گڏيل آپريشن ڪيو ويو ايس ايس پي شڪارپور شاهزيب چاچڙ موجب آپريشن دوران ٻن ڏوهارين کي ماريو ويو، ٽن کي زخمي حالت ۾ سندن ساٿين فرار ڪرايو، جڏهن ته اغوا ٿيل پوليس اھلڪار کي باحفاظت بازياب ڪرايو ويو مارجي ويل ڏوهارين جي سڃاڻپ يارو ڪمالاڻي جتوئي ۽ ڀاڳيو ڪمالاڻي جتوئي جي نالن سان ٿي آهي ايس ايس پي شاهزيب چاچڙ ۽ رينجرز جي وِنگ ڪمانڊر جي اڳواڻي ۾ آپريشن شروع ڪيو ويو، آپريشن دوران ڏوهارين جو گهيرو تنگ ڪيو ويو ته مختلف پاسن کان ڏوھارين پوليس تي سڌي فائرنگ ڪئي مارجي ويل ڏوھاري يارو ڪمالاڻي جو لاش پوليس هٿ ڪري ورتو آهي،جڏهن ته ٻئي مارجي ويل ڏوهاري ڀاڳيو ڪمالاڻي جتوئي جو لاش ۽ زخمين کي سندن ساٿي کڻي فرار ٿي ويا ايس ايس پي شاهزيب چاچڙ چيو آهي ته پوليس، ڏوهارين جي سازشن کي ناڪام بڻائي ڇڏيو آهي،ڏوھارين خلاف بي رحم آپريشن ڪيو پيو وڃي مارجي ويل ڏوهاري مختلف ضلعن ۾ قتل، ڌاڙن، اغوا براءِ تاوان سميت سنگين ڏوهن ۾ ملوث رهيا آهن فرار ٿيل ڏوهارين جي ڳولا لاءِ علائقي ۾ ناڪابندي ۽ سرچ آپريشن جاري آهي، جڏهن ته ڳري نفري واقعي واري هنڌ تي موجود آهي ياد رهي ته رات دير سان بدنام ڏوهاري شهزور ڪمالاڻي جي مارجي وڃڻ کان پوءِ سندس ساٿين رستم پوليس پيڪٽ تي حملا ڪيا، جنهن دوران پوليس اهلڪار زاهد شاهه کي زخمي ۽ واجد يونيجو کي اغوا ڪيو ويو پوليس جي بروقت ۽ ڪامياب ڪارروائي دوران ٻه ڏوهاري مارجي ويا ۽ مغوي اهلڪار کي باحفاظت آزاد ڪرايو ويو ڪيل واعدو وساري نٿا سگهون ايس ايس پي شڪارپور شاھزيب چاچڙ هڪ شهيد جوان سان ڪيل واعدو پورو ڪري ڏيکاريو شڪارپور پوليس مسلسل ڏوھاري عنصرن جي خاتمي لاءِ فرنٽ لائن تي آهي ھي ڪارروائي نه رڳو شھيدن سان انصاف آهي، پر ان ڌرتي سان به وفا آهي جنهن جي حفاظت لاءِ اسان جا سپوت پنهنجون جانيون قربان ڪن ٿا. شھيدن جي قربانيون رائيگان نه وينديون