ملير: قائدآباد واري علائقي ۾ هٿياربندن جي دڪان تي فائرنگ، 2 ڀائر مارجي ويا

هٿياربندن جي فائرنگ ۾ دڪاندار قيصر ۽ سندس ڀاءُ رحيم عرف منا مارجي ويو: پوليس

ملير (رپورٽ: عبدالرشيد مورجھريو) ڪراچي جي علائقي قائدآباد اولڊ مظفرآباد ڪالوني ۾ هارڊ ويئر جي دڪان تي ٿيل فائرنگ جي نتيجي ۾ ٻه ڀائر قيصر ۽ رحيم عرف منا مارجي ويا پوليس واقعو ابتدائي طور ٽارگيٽ ڪلنگ قرار ڏئي رهي آهي پوليس موجب، مقتول قيصر هارڊ ويئر دڪاندار هو، جڏهن ته سندس ڀاءُ رحيم عرف منا دڪان تان سامان وٺڻ آيو هو. پوليس جو چوڻ آهي ته رحيم جو ڪريمينل رڪارڊ موجود هو، ۽ هو اڳ به 6 کان 7 ڪيسن ۾ گرفتار ٿي جيل ڪاٽي چڪو هو، جتان ڪجهه وقت اڳ ئي آزاد ٿيو هو.اڳتي هلي پوليس ٻڌايو ته نامعلوم هٿياربند رحيم عرف منا کي نشانو بڻائڻ لاءِ آيا هئا، جن جي فائرنگ ۾ دڪاندار قيصر به زد ۾ اچي ويو. ٻنهي ڀائرن جي موقعي تي موت جي تصديق ڪئي وئي.ابتدائي جاچ مطابق، فائرنگ جو هي واقعو ذاتي دشمني جو نتيجو آهي. پوليس واقعي جي وڌيڪ جاچ ڪري رهي آهي ۽ قاتلن جي ڳولا جاري آهي.