گهگهر ۾ عوامي تحريڪ جي سينئر شاهنواز سومرو جو جنم ڏهاڙو ملهايو ويو، تقريب منعقد

عوامي تحريڪ طرفان اعلانيل پرامن جدوجهد کي تيز ڪرڻ جي حوالي سان سڄي سنڌ ۾ جدوجهد وڌائي ويندي: پرھ سومرو

ملير (رپورٽ: عبدالرشيد مورجھريو) عوامي تحريڪ ضلعي ملير طرفان عوامي تحريڪ جي سينيئر ساٿي شاهنواز سومرو عرف شاني سومرو جي 66 هين جنم ڏينهن جي تقريب گهگهر ڦاٽڪ ۾ معنقد ڪئي وئي ، تقريب ۾ ادبين ، ليکڪن ، صحافين ۽ سياسي سماجي شخصيتن سميت شاگردن ۽ سنڌياڻي تحريڪ ۽ عوامي تحريڪ ڪارڪن علي بخش نوناري ، ارشاد ڪٽپر ، ايڊوڪيٽ خالد تنيو ، پرھ سومرو ، زاهده نواز ، محمد اسماعيل پنهور ،شھربانو سوڍو ، محمد علي ساهڙ ، ساک سنڌو سومرو ، باک سومرو ، عبدالڪريم سومرو ، نظيرميمڻ ، ۽ ٻين شرڪت ڪئي ، ان موقعي تي عوامي تحريڪ ضلعي ملير جي صدر پرھ سومرو ڳالهائيندي چيو ته سنڌ ۾ ڪارپوريٽ فارمنگ ، زمينن جي والار ۽ تاريخي ماڳن تي قبضن ، بدامني نياڻين جي تذليل سنڌ جي وڏن شھرن ۾ پيئڻ جي پاڻي جي کوٽ ۽ ٻين مسئلن خلاف عوامي تحريڪ طرفان اعلانيل پرامن جدوجهد کي تيز ڪرڻ جي حوالي سان سڄي سنڌ اندر جدوجهد وڌائي ويندي جنهن حوالي سان حڪمت عملي جوڙي وئي ، تقريب ۾ ٻين مقررن ڳالهائيندي چيو ته شاهنواز سومرو عرف شاني سومرو ايم آر ڊي تحريڪ ۽ ضياء مارشلا دور ۾ ڪالاباغ ڊيم خلاف ۽ ٻين تحريڪن ۾ سموري ڪٽنب سميت جاکوڙيندي نظرآيو جيڪو اڄ به سنڌ جي ٻرندڙ مسئلن خلاف احتجاج ۾ نظراچي ٿو