وڳڻ ۾ ڊي ايڇ او قمبر شھدادڪوٽ ڊاڪٽر گلزار علي تنيو پاران ميڊيا جي نمائندن کي اسپتال جو دورو

وڳڻ: رورل ھيلٿ سينٽر وڳڻ ۾ ضلعي صحت آفيسر قمبر شھدادڪوٽ طرفان ميڊيا جي نمائندن کي اسپتال جو دورو ڪرائي علاج لاء ايندڙ مريضن کي صحت جي ملندڙ سھولتن بابت بريفنگ پڻ ڏني وئي ان موقعي ڊي ايڇ او قمبر شھدادڪوٽ ڊاڪٽر گلزار علي تنيو، ايم ايس ڊاڪٽر محمد پناھ بروهي ۽ ميڊيڪل آفيسر ڊاڪٽر ثناءُ الله وڳڻ چيو ته ھن وقت رورل ھيلٿ سينٽر وڳڻ تمام بھتر نموني ھلي رھيو آھي جتي ڊاڪٽرن سميت سمورو عملو ھفتي جا سمورا ڏينھن چوويھ ڪلاڪ علاج لاء ايندڙ مريضن کي صحت جون سموريون سھولتون فراھم ڪري رھيو آھي اسپتال ۾ ايندڙ مريضن مردن عورتن ٻارن کي مختلف بيمارين جا ماھر ڊاڪٽر چڪاسي کين دوائون فراھم ڪن ٿا جڏھن ته ايمرجنسي ۾ ايندڙ مريضن کي پڻ فرسٽ ايڊ ڏني وڃي ٿي ان سان گڏ عورتن جي نارمل ڊليوري پڻ ڪرائي وڃي ٿي جڏھن ته ڏندن جو شعبو پڻ فعال آھي ۽ الٽراسائونڊ جي سھولت پڻ ميسر آھي جڏھن ته سموري اسپتال ۾ سولر سسٽم پڻ لڳرايو آھي جڏھن ته اسپتال جي زبون حال ٿي ويل بلڊنگ جي نئين سر تعمير لاء ۽ ايڪسري مشين توڙي ايمبولنس لاء پڻ اعلا اختيارين کي لکت ۾ ۽ تڪ جي ايم پي اي نوابزاده برحان خان چانڊيو کي پڻ زباني چيو آھي جيڪي پڻ مسئلا تمام جلد حل ٿي ويندا ھنن چيو ته ھيٽ اسٽروڪ سميت مختلف حادثن ۾ ايندڙ مريضن لاء نوان بيڊ پڻ رکيا آھن اسپتال ۾ سھولتون ميسر ھئڻ باوجود ڪجھ شھر دشمن ۽ شر پسند عناصر بنا جواز واويلا ڪري رھيا آھن جنجو مقصد ڪجھ ٻيو آھي اسان سندن سازشن جو مقابلو ڪري وڳڻ جي سرڪاري اسپتال کي اڃان به وڌيڪ سھولتون ميسر ڪرڻ لاء ڪوششون ڪنداسين ان موقعي تي مقامي صحافين صحت کاتي قمبر شھدادڪوٽ جي ڊي ايڇ او ڊاڪٽر گلزار علي تنيو پاران اختيار ڪيل اسپتال ۾ صحت جي سھولت جون گھرجون پوريون ڪرڻ ۽ اسپتال کي بھتر نموني فعال ڪرڻ واري طريقي جي تعريف ڪئي.