ڏوڪري ۾ بي آءِ ايس پي وظيفي مان ڪٽوتي جو اسسٽنٽ ڪمشنر پاران نوٽيس

ڏوڪري(اطهر ميمڻ) بينظير انڪم سپورٽ سينٽر تي ميڊيا تي هلندڙ خبرن جو اسٽنٽ ڪمشنر ڏوڪري نوٽيس ورتو، وظيفي مان ڪٽوتي ڪندڙ ڊوائيز هولڊرن کي نه بخشيو ويندو، اي سي ڏوڪري جي حڪم تحت اسٽنٽ مختيارڪار قاضي امجد بشير سينٽرن جو درور ڪيو. خبر موجب گذريل ڏينهن بينظير انڪم سپورٽ پروگرام جي ملندڙ قسط مان ڊوائيز هولڊرن پاران ڪٽوتي ڪندڙن خلاف اسٽنٽ ڪمشنر ڏوڪري ميڊم فرزانه ميراڻي فوري طور تي نوٽيس وٺي اسٽنٽ مختيارڪار قاضي امجد بشير کي هدايتون جاري ڪيون، جنهن بعد اسٽنٽ مختيارڪار ڏوڪري ۾ قائم سينٽرن جو دورو ڪري عورتن کي ملندڙ رقم بابت معلومات ورتي، ان موقعي تي ميڊيا سان ڳالهائيندي قاضي امجد بشير چيو ته گذريل ڏينهن بينظير انڪم سپورٽ پروگرام مان پئسن جي ڪٽوتي بابت هلندڙ خبرن جو اسٽنٽ ڪمشنر ڏوڪري سخت نوٽيس ورتو آهي، هن وظفيو وٺندڙ عورتن کان ملندڙ قسط مان ڪٽوتي بابت پڇا ڳاڇا ڪئي، ان موقعي تي اسٽنٽ مختيار ڪار قاضي امجد بشير جو چوڻ هو ته اسٽنٽ ڪمشنر ڏوڪري فرزانہ ميراڻي جي هدايتن تي ڏوڪري ۾ قائم سينٽرن جو دورو ڪيو آهي، هن وڌيڪ چيو ته ڪٽوتي ڪندڙ خلاف سخت کان سخت ڪارروائي ڪئي ويندي ڪنهن کي به بخش نه ڪيو ويندو، مستحق عورتن کي گهرجي ته ملندڙ قسط مان ڪٽوتي دوران هو اسٽنٽ ڪمشنر ڏوڪري ميڊم فرزانہ ميراڻي وٽ پهچي ڪٽوتي ڪندڙ ڊوائيز هولڊر خلاف شڪايت ڪرائين ته جيئن کين بروقت ڪٽوتي ٿيل رقم واپس وٺرائي ڊوائيز هولڊر خلاف قانوني ڪاروائي ڪري سگهون.