سنڌ جي ناليواري صحافي ۽ اديب پروفيسر بيدار جعفري جي ياد ۾ ملير ۾ تعزيتي ميڙاڪو

بيدار جعفري سڄي زندگي علم ادب ۽ سماج لاء وقف ڪري ڇڏي ۽ سندس خدمتون سنهرو باب آهي: مقرر

ملير(رپورٽ: عبدالرشيد مورجھريو)سنڌ جي ناليواري صحافي اديب پروفيسر بيدار جعفري جي ياد ۾ سنڌي ادبي سنگت ملير ۽ عوامي پريس ڪلب ملير پاران تعزيتي ميڙاڪو منعقد ڪيو ويو, سياسي سماجي ادبي ۽ صحافين جي وڏي تعداد ۾ شرڪت , بيدار جعفري سڄي زندگي علم ادب ۽ سماج لاء وقف ڪري ڇڏي ۽ سندس خدمتون سنهري باب آهي جنهن کي ڪڏهن به درگذر نه ٿيون ڪري سگهجن سندس وڇوڙو علم ادب ۽ صحافت لاء وڏو نقصان سمجهون ٿا مقررن جو خطاب، تفصيل موجب سنڌ جي نالي واري اديب صحافي مصنف پروفيسر بيدار جعفري جي وڇوڙي تي سنڌي ادبي سنگت شاخ ملير ۽ عوامي پريس ڪلب ملير طرفان عوامي پريس ڪلب ملير جي بابا اڪبر بلوچ هال ۾ تعزيتي ميڙاڪو ڪوٺايو ويو جنهن ۾ ملير جي مختلف سياسي سماجي ادبي شخصيتن ۽ صحافين وڏي تعداد ۾ شرڪت ڪئي تعزيتي ميڙاڪي کي سينيئر صحافي پروفيسر بيدار جعفري جي شاگرد اديب حميد سومرو پروفيسر رياض خاصخيلي موسي ڪاظم جعفري سياسي اڳواڻ علي مستوئي غوث پيرزادو وحيد سيال سنڌي ادبي سنگت شاخ ملير جي سيڪريٽري اصغر مهرائي پرفيسر امتياز دانش سيد غفور شاھ تقوي ۽ سينيئر صحافي نصرالله جمالي ٻين خطاب ڪندي چيو ته پرفيسر بيدار جعفري پنهنجي پوري زندگي علم ادب لاء وقف ڪري ڇڏي هئي جعفري صاحب جي خدمتن کي ڪڏهن به فراموش نه ٿو ڪري سگهجي بيدار جعفري پنهنجي شخصيت ۾ هڪ ادارو هيو جنهن پنهنجي زندگي , ڪيترن ئي سماجي ڪمن ۾ نمايان رهيو ۽ ڪيترن ئي غريب مسڪين نياڻين کي تعليم ڏياري ۽ تعليمدان جي حيثيت ۾ سدائين نيڪ نيتي ۽ سچائي سان پاڻ نڀايو ۽ سندس ڳالهائڻ ۽ ڪچهري وقت عملي ۽ ادبي ٻولي نمايان هوندي هئي بيدار جعفري هڪ ئي زندگي ۾ تعليم دان اديب ليکڪ صحافي ۽ سماج سڌارڪ ۾ پنهنجون خدمتون سرانجام ڏيندو رهيو صحافت جي ميدان ۾ سدائين سنڌ ۽ سنڌي قوم جي مسئلن کي بنا خوف جي اعلي ايوانن تائين پهچائيندو رهيو سماجي طور تي سوين ٻارڙن کي مفت تعليم ڏياري ۽ سندن مدد ڪندو رهندو هو بيدار جعفري گهڻ رخي شخصيت هئي ان جهڙيون شخصيتون ڪڏهن ڪڏهن پيدا ٿينديون آهن سنڌي ادبي سنگت شاخ ملير ۽ عوامي پريس ڪلب ملير کي هڪ تاريخ ساز شخصيت جي ياد ۾ پروگرام ڪرڻ سلام پيش ڪيون ٿا تقريب کي عوامي پريس ڪلب ملير جي نائب صدر سيد عنايت شاھ جمشيد زهراڻي ۽ ٻين پڻ خطاب ڪيو