نوشهروفيروز ۾ گندگي خلاف 6 ڏينھن به احتجاج جاري، هاءِ ڪورٽ سکر بئنچ ۾ پٽيشن داخل

شهر ۾ صفائي سٿرائي نه ٿيڻ خلاف سنڌ هاءِ ڪورٽ سکر بئنچ ۾ پٽيشن داخل ڪرائي وئي، 29 جنوري تي ڌريون طلب

نوشهروفيروز (ڊر)نوشهرو فيروز ۾ گندگي خلاف 6 ڏينھن به احتجاج جاري سنڌ هاءِ ڪورٽ سکر بئنچ ۾ پٽيشن داخل نوٽيس جاري 29 جنوري تي سڪريٽري لوڪل گورنمينٽ، سيڪريٽري پبلڪ هيلٿ سميت چيئرمين ۽ ميونسپل آفيسر طلب، شھر جي مختلف علائقن گندگي خلاف مختلف سياسي، سماجي تنظيمن جو احتجاج، احتجاج جي اڳواڻي اي پي اي اڳواڻ محمد يونس راڄپر، ايم ظفر تڳر، ايس يو پي اڳواڻ خادم سيال، جسقم اڳواڻ فريد لاشاري، اسد عمراڻي، اياز راڄپر، جسم اڳواڻ گل بهار مري، فقير ميهر علي بهڻ، ارشاد عباسي ۽ ٻيا ڪري رهيا هئا ان موقعي تي اڳواڻ چيو ته نوشهروفيروز جي نااهل انتظاميا ۽ چونڊيل نمائندن جي لاپرواهي سبب نوشهروفيروز شهر 16 وارڊ گندگي جو ڍير بڻجي ويا آهن سڄو شهر گندگي جو ڍير بڻجي ويو آھي جنهن سبب شهر جا معصوم ٻار ۽ شاگرد مختلف بيمارين ۾ وٺجي ويا آهن نوشهرو فيروز جا روڊ رستا، مين چوڪ ۽ هيٺائين وارا علائقا، قبرستانن ، اسڪولن ۽ مسجدن سامهون ڊرينيج جو گندو پاڻي بيٺل آھي جنهن ڪري دڪاندارن جو ڪاروابار به ٺپ ٿي ويو آهي هر طرف گندگي جا ڍير لڳا پيا آھن شهر کنڊرات جو ڏيک ڏئي رهيو آهي ميونسپل ڪاميٽي جي 3 ڪروڙ کان وڌيڪ بجيٽ آھي پر اها رقم ڪوڙن ووچر ذريعي هڙپ ڪئي وڃي ٿي صفائي ڪندڙ سوين ملازمن ويزا تي آھن هنن اعلا اختيارين کان مطالبو ڪيو ته شهر جي صفائي ڪرائي ميونسپل چيئرمين ڊاڪٽر ڪاشف مصطفي ميمڻ، ميونسپل آفيسر پاران ڪرپشن جي جاچ ڪئي وڃي، ٻئي طرف شهر ۾ وڌندڙ گندگي ۽ ميونسپل ۾ ٿيندڙ ڪرپشن خلاف پٽيشنر محمد يونس راڄپر سنڌ هاءِ ڪورٽ سکر بئنچ ۾ سيڪريٽري لوڪل گورنمينٽ، سيڪريٽري پبلڪ هيلٿ، سيڪريٽري پراوينشنل هاءِ وي، ڊپٽي ڪمشنر نوشهرو فيروز، ميونسپل چيئرمين، ميونسپل آفيسر ۽ ٻين کي ڌر ڪندي موقف اختيار ڪيو ته ميونسپل ڪاميٽي ۾ ماهوار 3 ڪروڙ کان بجيٽ آھي ۽ سوين ملازم موجود آھن ان باوجود سڄو شهر گندگي جو ڍير بڻيل آھي عدالت اهڙو موقف ٻڌڻ لاڳاپيل ڌرين کي 29 جنوري تي طلب ڪري ورتو.