نوشهروفيروز ۾ قانون لاڳو ڪندڙ ادارن ۽ ڪسٽم جي گڏيل ڪارروائي دوران سگريٽ هٿ

نوشھروفيروز (ڊ ر)قانون لاڳو ڪندڙ ادارن ۽ ڪسٽم جي گڏيل ڪارروائي، 252 ڪارٽن نان ڪسٽم سگريٽ هٿ نوشھروفيروز ۾ قانون لاڳو ڪندڙ ادارن ۽ ڪسٽم پوليس جي گڏيل ڪارروائي دوران 252 ڪارٽن نان ڪسٽم سگريٽ هٿ ڪيا ويا، جڏهن ته ڪارروائي دوران مزدا گاڏي جي ڊرائيور راشد کي پڻ تحويل ۾ ورتو ويو۔ ڪسٽم آفيسر شاھنواز ڀاڻ موجب ڪارروائي بعد نان ڪسٽم سگريٽن سان ڀريل گاڏي ۽ هٿ ڪيل سامان کي ڪسٽم عملدارن پنهنجي تحويل ۾ وٺي سکر روانو ڪرڻ جي ڪارروائي شروع ڪئي، پر قومي شاهراهه تي پوليس گاڏي کي روڪي ڇڏيو۔ ذريعن موجب گاڏي روڪڻ واري معاملي تي ايس ايڇ او منعم لاڙڪ ۽ ڪسٽم آفيسرن وچ ۾ تلخ ڪلامي ۽ نوڪ جھونڪ پڻ ٿي۔ ان دوران ايس ايڇ او منعم لاڙڪ موقف اختيار ڪيو ته گاڏي کي ٿاڻي منتقل ڪيو وڃي، جڏهن ته ڪسٽم آفيسرن جو چوڻ هو ته نان ڪسٽم سگريٽن خلاف ڪارروائي ڪسٽم جي ذميواري آهي، پوليس جي نه۔ ڪسٽم آفيسر شاھنواز ڀاڻ اهو به الزام هنيو ته پوليس پاران منشيات يا سگريٽن بابت پڪڙيل ڪجهه معاملن ۾ جوابدارن کي ڇڏيو ويندو آهي، تنهن ڪري نان ڪسٽم سگريٽن واري گاڏي ڪسٽم جي تحويل ۾ رهڻ گهرجي۔ انکا پوء ۾ ذريعن موجب نامعلوم اعليٰ آفيسرن جي فون ڪالن بعد پوليس مذڪوره گاڏي ۽ هٿ ڪيل سگريٽ ڪسٽم عملدارن حوالي ڪري ڇڏيا، جنهن بعد ڪسٽم آفيسر گاڏي کي پنهنجي تحويل ۾ وٺي سکر روانا ٿي ويا۔ واقعي بعد ڪسٽم ۽ پوليس جي اختيارن بابت سوال پڻ اٿڻ لڳا آهن، جڏهن ته وڌيڪ ڪارروائي ۽ قانوني اڳڀرائي جو انتظار ڪيو پيو وڃي۔