سنڌي ادبي سنگت شاخ هالاڻي جي دستوري گڏجاڻي, محمد امين وسطڙو صدارت ڪئي، ادبي دوستن جي شرڪت

مهتاب وسطڙو، سادات چنو ۽ ٻين لکڻين تي اصلاحي ٽيڪا ٽپڻي ڪئي

نوشهروفيروز(ڊر) سنڌي ادبي سنگت شاخ هالاڻي جي دستوري گڏجاڻي محمد امين وسطڙو جي صدارت ۾ ٿي گذري، جنهن ۾ ادبي دوستن شرڪت ڪئي. گڏجاڻي ۾ پروفيسر عبدالجبار ملاح غزل، فيضان علي چنو چوسٽو، عبدالرحمان چنو نظم، حفيظ الرحمان عباسي بيت، محمد امين ميمڻ نظم، نديم علي سولنگي بيت، نذير احمد ٻاٽ ۽ ڪاشف علي وسطڙو ترنم ۾ ڪلام پيش ڪري محفل کي چار چنڊ لڳايا.ان موقعي تي نظام الدين ٻاٽ، سيد امير علي شاهه، مهتاب وسطڙو، سادات چنو ۽ ٻين لکڻين تي اصلاحي ٽيڪا ٽپڻي ڪئي. آخر ۾ صدارتي خطاب ڪندي محمد امين وسطڙو چيو ته اڄ هالاڻي سنگت جي دوستن جو شوق، جذبو ۽ ولولو ڏسي دل کي بيحد مسرت ٿي آهي، سنڌي ادب جي بقا ۽ ترقي لاءِ اهڙين گڏجاڻين جو تسلسل انتهائي ضروري آهي ته جيئن سندن ادبي معيار وڌيڪ بهتر ٿي سگهي. هن وڌيڪ چيو ته ادبي سنگت رڳو شاعري پيش ڪرڻ جو فورم نه، پر سکيا ۽ تربيت جو جو اهم ذريعو آهي، جنهن مان هر هڪ کي فائدو وٺڻ گهرجي.