ملير ڀرسان ڪوهستاني علائقي ۾ گيسٽرو وبا جي صورت اختيار ڪري ورتي

ايم اين اي ڄام عبدالڪريم بجار جوکيو پاران گيسٽرو سبب ٿيل فوتگين تي ڏک جو اظهار

ملير (رپورٽ: عبدالرشيد مورجھريو)ملير ڪوهستاني علائقي جي گوٺ فيض محمد برفت، يونين ڪائونسل مول ۾ گيسٽرو جي وبا سبب ٿيل فوتگين تي قومي اسيمبلي ميمبر سردار جام عبدالڪريم بجار جوکيو گهري ڏک، افسوس ۽ همدردي جو اظهار ڪيو آهي سردار جام عبدالڪريم چيو ته هي افسوسناڪ واقعو سموري علائقي لاءِ وڏي صدمه جو سبب بڻيو آهي، ۽ اسان متاثر خاندانن جي ڏک ۾ برابر جا شريڪ آهيون هن وڌيڪ چيو ته سنڌ حڪومت جي هدايت تي ميڊيڪل ٽيمون ۽ ايمبولينس سروسون اڳ ئي علائقي ۾ موجود آهن، جيڪي متاثر ماڻهن کي فوري امداد ۽ علاج جون سهولتون فراهم ڪري رهيون آهن، جڏهن ته وبا تي مڪمل ضابطو آڻڻ لاءِ وڌيڪ قدم به کنيا پيا وڃن ايم اين اي ڄام عبدالڪريم بجار جوکيو چيو ته هي وبا چاھي ضلعو ڄامشورو ۾ هجي يا ضلعو ملير ۾، اسان سڀ گڏجي هڪ ٽيم وانگر ڪم ڪنداسين ۽ ان وبا جو خاتمو يقيني بڻائينداسين۔ آخر ۾ هن علائقي جي عوام ۽ سماجي ڪارڪنن کي اپيل ڪئي ته هو ميڊيڪل ٽيم سان مڪمل سهڪار ڪن ۽ متاثر خاندانن سان گڏ بيهن، جيئن گڏيل ڪوششن سان هي وبا جلدي ختم ڪري سگهجي۔