سنڌ فرينڊز فورم پاران دبئي ۾ سنڌ جي هزارين سالا شاندار تاريخ رکندڙ ثقافت جو ڏھاڙو ملھايو ويو

سنڌ جي ڀلوڙ راڳين ضامن علي ، شھلا گل، سيف سميجو ۽ مانجھي فقير سر وکيريا، پروگرام شريڪ فيميلز سنڌي گيتن تي رقص ڪيو

سنڌ فرينڊز فورم پاران دبئي ۾ شاندا سنڌي ثقافتي ڏھاڙو ملھايو ويو ، جنھن ۾ سوين سنڌين فيمليز سميت وڏي انگ ۾ شرڪت ڪئي. دبئي جي پاڪستان ايسوسيئشن آديٽوريم ۾ سنڌ جا ثقافتي رنگ جرڪي پيا، گڏيل عرب امارات جي مختلف رياستن مان سوين سنڌين پنھنجا ثقافتي ويس پھري پروگرام ۾ شرڪت ڪئي ، پروگرام جي شروعات لطيف سرڪار جي وائي سان ڪئي وئي، آيل مھمانن کي فورم جي ڪنيونر بشير آريسر آجياڻو ڏيو، بشير آريسر چيو تھ اسان ٿورائتا آھيون سڀني دنيا جي مختلف ملڪن مان آيل مھمانن جا ، ۽ يو اي اي جي سمورين رياستن مان آيل ۽ پروگرام کي سپورٽ ڪندڙ اسپانسرز اپيڪس ريئل اسٽيٽ، پي پي جي سوليوشن، تقريب دوران گڏيل عرب امارات جي نيشنل ڊي جو ڪيڪ پڻ ڪٽيو ويو، جنھن ۾ خصوصي شرڪت طور ڊاڪٽر بو عبداللھ شرڪت ڪئي ، پروگرام جي خاص مھمانن ۾ احسان لغاري، سرتاج جوڻيجو، امتياز گھمرو، رضا لغاري، زاھد ڪناسرو، شوڪت سرڪي، جھانزيب چانڊيو، بشير چانڊيو، پرديپ ڪمار، رسول بخش سومرو ۽ ٻين کي اجرڪن جا تحفا پڻ پيش ڪيا ويا ۽ شيلڊون ڏنيون ويون، ثقافتي پروگرام ۾ سنڌي مزاح جي ستارن علي گل ملاح ۽ گامون ماڻھن کي کلائي کلائي کيرو ڪيو، بھترين آرٽسٽ سجاد سھاڳ ھوسٽنگ جا فرض سرانجام ڏنا، سنڌ جي ڀلوڙ راڳين ضامن علي ، شھلا گل، سيف سميجو ۽ مانجھي فقير سر وکيريا، پروگرام شريڪ فيميلز سنڌي گيتن تي رقص ڪيو . فورم جي آرگنائيزرن پدم وير، فھد ابڙو، چاچا اللھ نواز ميمڻ، مالڪ سومرو، ڊاڪٽر عبداللھ ڪلھوڙو، سراج شيخ، عامر ٽالپر، سارنگ ٽالپر، مھيش ڪمار،واجد منگي، علي عباس بھراڻي ۽ ٻين ڊسيپلين کي برقرار رکڻ لاء پنھنجا فرض بھترين نموني سان سرانجام ڏنا، سنڌي ڊاڪٽرس فورم جي ٽيم کي شيلڊ پڻ ڏني وئي. سنڌي ۽ انٽرنيشل ميڊيا جي نمائندن سبط علي، سارنگ سنڌي، اسحاق سومرو، فھد شيخ، مجيب ميراڻي ،سعيد چانڊيو ، فھد عباسي ۽ ٻين پڻ شرڪت ڪئي