ڊسٽرڪٽ ڊزاسٽر مئنيجمينٽ اٿارٽي نوشهروفيروز جي ھڪ گڏجاڻي ٿي گذري

136 views | 17th Jul 2025 • سنڌي خبرون

ڊسٽرڪٽ ڊزاسٽر مئنيجمينٽ اٿارٽي نوشهروفيروز جي ھڪ گڏجاڻي ٿي گذري

نوشهروفيروز (ڊ .ر ) ڊسٽرڪٽ ڊزاسٽر مئنيجمينٽ اٿارٽي نوشهروفيروز جي ھڪ گڏجاڻي ڪميٽي جي چيئرمين ۽ ڊپٽي ڪمشنر نوشهروفيروز محمد ارسلان سليم جي صدارت ۾ سندس آفيس جي ڪميٽي روم ۾ ٿي جنهن ۾ چوماسي جي برساتن ۽ ٻوڏ کان بچاء بابت ڪيل اڳواٽ انتظامن جو جائزو ورتو ويو . ان موقعي تي لاڳاپيل کاتن پاران ڪيل اڳواٽ احتياطي قدمن ۽ انتظامن بابت ڄاڻ ڏني . گڏجاڻي کي خطاب ڪندي ڊپٽي ڪمشنر نوشهروفيروز محمد ارسلان سليم چيو تہ نيشنل ڊزاسٽر مئنيجمينٽ اٿارٽي پاران ھن سال چوماسي جون وڌيڪ برساتن پوڻ جو امڪان ظاهر ڪندي مڪمل احتياطي قدم کڻڻ جو چيو آهي . انڪري آبپاشيءَ کاتي سميت سڀئي کاتا برساتن ۽ ٻوڏ جي صورتحال کي منھن ڏيڻ لاءِ تياريون مڪمل ڪن تہ جيئن ڪنهن اڻوڻندڙ صورتحال کان بچي سگھجي . ھن سڀني اسسٽنٽ ڪمشنرن کي چيو تہ مختلف کاتن سان ويجھو رابطو رکن ۽ ڪيل انتظامن جو جائزو وٺڻ . ھن لوڪل گورنمنٽ جي آفيسرن کي چيو تہ امڪاني برساتن دوران شھرن مان برساتي پاڻي جي نيڪالي کي يقيني بڻائن ۽ ڊرينيج سسٽم ۽ پمپنگ اسٽيشنن کي فعال رکيو وڃي ۽ انھن کي ھلائڻ لاءِ متبادل توانائي جي انتظامن کي يقيني بڻايو وڃي.هن پبلڪ هيلٿ کاتي جي آفيسرن کي هدايت ڪئي ته تمام پمپنگ اسٽيشنن جي ضروري مرمت ۽ بحالي جو ڪم جلد کان جلد مڪمل ڪيو وڃي. ڊپٽي ڪمشنر ڊسٽرڪٽ هيلٿ آفيسر کي چيو تہ چوماسي جي برساتن دوران صحت جون بنيادي ۽ ضروري سهولتن سميت اي ايس وي ۽ اي آر وي جي ويڪسين کي يقيني بڻايو وڃي . ھن ريسڪيو 1122 جي انچارج کي ھدايت ڪئي تہ اھي ڪنھن بہ امڪاني صورتحال کي منھن ڏيڻ لاءِ تيار رھن گڏجاڻِي ۾ ايڊيشنل ڊپٽي ڪمشنر ون صدام حسين ميمڻ، ايڊيشنل ڊي سي (ٽو) غلام علي، ڊي ايڇ او ڊاڪٽر غلام قادر چانڊيو، ڊپٽي ڊائريڪٽر لوڪل گورنمنٽ عبدالجبار تڳر، ايڪسين سيپڪو نوشهرو فيرز، مورو، پي ڊي اسڪارپ ۽ ٻين لاڳاپيل کاتن جي آفيسرن شرڪت ڪئي.