ٽنڊو غلام علي ويجهو ٻن ٻارن جي پيءُ مبينا آپگهات ڪري ڇڏيو

ٽنڊوغلام علي(رپورٽر) ٽنڊوغلام علي لڳ ڳوٺ ظهور نظاماڻي ۾ ٻن ٻارن جو پيءُ رتنو ڪولهي گهر ٻاھران وڻ ۾ رسو ڳچي ۾ وجهي ڦاھو کائي خودڪشي ڪري ڇڏي اطلاع تي پوليس لاش کڻائي سرڪاري اسپتال آندو جتي پوسٽ مارٽم بعد لاش وارثن حوالي ڪيو. فوتي جي پيءُ ماوجي ڪولهي ٻڌايو ته منهنجو پٽ مون سان گڏ ماني کائي اُھيو چئي نڪتو ته بابا آئون مزدوري تي وڃان پيو ته صبح جو وڻ ۾ ٽنگليل لاش مليو ھن وڌيڪ چيو ته منهنجي ڪنهن سان به دشمني ناھي ھن ٻڌايو مون کي سمجھ ۾ نٿو اچي ته ھن خودڪشي ڇو ڪئي نوجوان جو لاش ڳوٺ پهچڻ تي گهر ۾ ڪهرام مچي ويو.