مورو ڀرسان پيرسن جو وياجي خلاف احتجاجي مظاهرو
منھنجي پٽ امير بخش وياج تي پئسا ورتا هئا، هڪ ڪروڙ رپين جي زمين وڪڻي وياج ڀريو پر وياجي جند نٿو ڇڏي: اشرف مري
مورو (جاني جماڻي) مورو ڀرسان ڳوٺ زوار نيڪ محمد مري جي رھواسي پيرسن اشرف علي مري مورو پريس پھچي احتجاج ڪندي چيو تہ منھنجي پٽ امير بخش مري مجبوري سبب ھڪ وياجي کان ڪجھہ رقم ورتي ھئي جيڪا مون ھڪ ڪروڙ روپين جي زمين ٻي ملڪيت کپائي ادا ڪئي ھاڻي نہ وياجي ٿو ڇڏي مون وٽ ھاڻي ڪجھہ ناھي بچيو خدارا ھاڻي مان رقم ادا ڪري ٿڪجي پيو آھيان اھڙي پٽ کان لاتعلقي جو اظھار ڪريان ٿو اڄ کانپوء ڪوبہ ھن سان ڏيتي ليتي ڪندو يا ڦڏو فساد ڪندو ھو زميوار ھوندو منھنجو پٽ سان ھاڻي ڪو تعلق نہ رھندو ھن آء جي سنڌ پوليس، سنڌ ھاء ڪورٽ، ايس ايس پي نوشھرو فيروز سميت وس وارن کان مطالبو ڪيو آھي تہ منھنجي وياجين مان جان ڇڏائي تحفظ فراھم ڪيو وڃي