حضرت صوفي فقير عبداللہ مسڻ رحہ جو ساليانو عرس پهرين آگسٽ کان شروع ٿيندو

ٺٽو(ڊ ر) حضرت صوفي فقير عبداللہ مسڻ رحہ جن جو ساليانو چوئيتاليھون 3 روزہ عرس مبارڪ تاريخ 6 صفر کان 9 صفر 1447 ھجري مطابق 1 آگسٽ کان 4 آگسٽ 2025 تائين سندن آخري آرامگاهه درگاھ مسڻ شريف شھر ٺٽي ۾ روايتي صوفياڻي طور طريقي سان ملھايو پيو وڃي، حسب دستور درگاھ شريف جو سجادہ نشين صوفي فقير جکرو مسڻ سائين 6 صفر جمعي جي شام مزار شريف تي گلن جي چادر چاڙھي عرس مبارڪ جو افتتاح ڪندو، روزانہ طالبن عقيدتمندن طرفان راڳ ويراڳ ساڻ چادر ۽ ميندي آندي ويندي، شام جو 6 بجي درگاھ شريف جي احاطي ۾ ڪچھري جو راڳ ٿيندو، رات جو عام لنگر بعد صوفياني محفل ٿيندي، جيڪا سڄي رات ھلندي رھندي ۽ اھو سلسلو مسلسل ٽي ڏينھن ھلندو، سنڌ جا مشھور صوفي راڳي عارفانہ ڪلام پيش ڪندا، سومر ڏينھن بعد ذڪر جي دعا ٿيندي، جنھن ۾ سنڌ جي مختلف درگاھن جا گادي نشين ۽ صوفي مسلڪ سان وابستہ فقير شامل ٿيندا، اھڙي پڌرائي يادگار ڪاميٽي پاران ڪئي ويئي اھي، جنھن سڀني حق جي پانڌيئڙن کي شرڪت جو سڏ ڏنو آھي.