گوگل نے پاس ورڈ کا عہد ختم کرنے والی ٹیکنالوجی متعارف کرا دی

دنیا کی بڑی ٹیکنالوجی کمپنیوں کی جانب سے پاس ورڈ کو ختم کرنے کے لیے کافی عرصے سے کوششیں کی جارہی ہیں۔ اب گوگل کی جانب سے اس حوالے سے نمایاں پیشرفت کی گئی ہے اور پاس کی (passkey) ٹیکنالوجی کو گوگل اکاؤنٹس کے لیے متعارف کرا دیا گیا ہے۔ پاس کی ٹیکنالوجی پاس ورڈ کے متبادل کے طور پر تیار کی گئی ہے جس کی مدد سے صارف کسی فون یا کمپیوٹر پر فنگر پرنٹ آئی ڈی، چہرے یا پن کوڈ کے ذریعے اپنے اکاؤنٹ تک رسائی حاصل کر سکتا ہے۔ ایپل کی جانب سے سب سے پہلے اس ٹیکنالوجی آئی او ایس 16، میک او ایس وینچرا اور آئی پیڈ او ایس 16 کا حصہ بنایا گیا تھا جبکہ مائیکرو سافٹ کی جانب سے اسے Authenticator ایپ کے ذریعے استعمال کیا جا رہا ہے۔