شڪارپور پوليس جو ٽارگيٽيڊ آپريشن، 2مغوين کي بازياب ڪرائڻ جي دعويٰ

شڪارپور (احسان ابڙو )شڪارپور پوليس ٿاڻي ڳاهيجا ڪچي جي علائقي ۾ ٽارگيٽيڊ آپريشن دوران ٻن مغوين کي باحفاظت بازياب ڪرائي ورتو.بازياب ٿيل مغوين جي سڃاڻپ ڊاڪٽر حفيظ الله ولد علي محمد ۽ علي گل ولد آصف پنهور طور ٿي آهي. ايس ايس پي شاهزيب چاچڙ جو چوڻ هو ته مغوين کي 8 هٿيار بند هٿيارن جي زور تي نوشهرو ابڙو لنڪ روڊ کان اغوا ڪري ويا هئا ايس ايس پي شاهزيب چاچڙ پاران مغوين جي بازيابي لاءِ خسوسي ٽيمون جوڙيون ۽ انٽيليجنس بيسڊ ٽارگيٽيڊ آپريشن شروع ڪيو وڌيڪ مغوين جي بازيابي ۽ ڏوهارين جي گرفتاري لاءِ علائقي ۾ آپريشن جاري آهي. ڏوهارين جي خاتمي ۽ مغوين جي بازيابي تائين ٽارگيٽيڊ آپريشن جاري رهندو. وارثن پاران مغوين جي بازيابي تي ايس ايس پي شڪارپور جو شڪريو ادا ڪيو ۽ ڪاميابي کي ساراهيو.