آسٹریلیا نے بھارت کے ارمانوں پر پانی پھیر کر چھٹی بار ورلڈ کپ جيت ليا

آسٹریلیا مینز ون ڈے ورلڈکپ کے فائنل میں بھارت کو 6 وکٹوں سے ہرا کر چھٹی بار عالمی چیمپئن بن گیا، فائنل میں آسٹریلوی بیٹر ٹریوس ہیڈ اور لبوشین نے بھارت کے ارمانوں پر پانی پھیر کر ورلڈکپ 2023 کا ٹائٹل آسٹریلیا کے نام کيا، آسٹریلیا کی دعوت پر پہلے بیٹنگ کرتے ہوئے بھارت کی پوری ٹیم 50 اوورز میں 240رنز بناکر آؤٹ ہوگئی ، آسٹریلیا نے بھارت کو 241 رنز کا ہدف ٹریوس ہیڈ اور لبوشین کی بہترین بیٹنگ کی بدولت 43 اوورز میں پورا کیا، ہیڈ نے مشکل وقت میں سنچری اور لبوشین نے ففٹی بنا کر ٹیم کو ورلڈکپ جتوانے میں اہم کر دار ادا کیا۔