نوشهروفيروز: لنجار هائوس کي باهه ڪيس ۾ پڪي ضمانت لاءِ آيل 4 ڄڻا کنڀجي ويا، جتوئي ڀائرن کي 17 جون جي تاريخ ملي وئي

نوشهروفيروز (ڊ ر) نوشهروفيروز جي دهشتگردي جي خاتمي واري عدالت ۾ مورو واقعي جي داخل ٻن ڪيسن ۾ اڳوڻي وفاقي وزير غلام مرتضي جتوئي ۽ سندس ڀاءُ اڳوڻي صوبائي وزير مسرور خان جتوئي جي ٻڌڻي 17 جون تائين ملتوي ٿي وئي آهي جتوئي ڀائرن جي وڪيل گلزار علي عالماڻي ميڊيا کي ٻڌايو ته عدالت سڳوري کي درخواست ڏني ته پروٽيڪٽو ٻيل جي لاءِ جتوئي ڀائر هاء ڪورٽ ويل آهن جنهن سبب ٻڌڻي لاءِ تاريخ ڏني وڃي عدالت 17 جون تائين ٻڌڻي ملتوي ڪري ڇڏي آهي هوڏانهن پوليس جي وڏي نفري عدالت جي ٻاهران بيٺل رهي ٻئي طرف نوشهروفيروز جي دھشتگردي ٽوڙ عدالت ۾ لنجار هائوس ساڙڻ واري ڪيس ۾ پڪي ضمانت لاءِ ڪورٽ ۾ پيش ٿيڻ کان پوءِ تاريخ ملڻ بعد واپس ويندڙ ايس يو پي اڳواڻ صمد حسين ڀٽي سندس ڀاء اڪرم ڀٽي، عمران جويو ۽ سجاد کوکر کي عدالت ٻاهران پوليس کنڀي ورتو آهي سندن وڪيلن سينئر وڪيل حاجي مھرو خان ڪلھوڙو ۽ ٻين وڪيلن ميڊيا سان ڳالهائيندي چيو آهي ته پوليس اسان سان بدتميزي ڪري ڌڪا ۽ ٿيلھا ڏئي ايس يو پي تعلقا مورو اڳواڻ صمد حسين ڀٽي سندس ڀاء اڪرم ڀٽي, عمران جويو, سجاد کوکر کي پوليس جي سوين گاڏين جي اٽالن گرفتار ڪري نامعلوم ھنڌ منتقل ڪري ڇڏيو آهي هنن چيو ته اسان بيل ڪنفرم ڪرائڻ لاءِ پهتل هيا سين عدالت 17 جون تي تاريخ ملتوي ڪئي آهي پر ان جي باوجود پوليس اسان جي جوابدارن کي گرفتار ڪري ورتو آهي جيڪا زيادتي آهي